અંકલેશ્વર : જીતાલી ગામની સ્ટાર લેક સીટી સોસાયટીમાંથી 4 જુગારીયા ઝડપાયા

ભરૂચ જિલ્લાના અંકલેશ્વર તાલુકાના જીતાલી ગામની સ્ટાર લેક સીટી સોસાયટીના એક મકાનમાંથી ભરૂચ એલસીબી પોલીસે જુગાર રમતા 4 જુગારીયાઓને ઝડપી પાડી રોકડ રકમ, મોબાઈલ ફોન અને એક કાર મળી રૂપિયા 4 લાખ 88 હજારનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

મળતી માહિતી અનુસાર, ભરૂચ એલસીબી પોલીસની ટીમ અંકલેશ્વર વિસ્તારમાં પેટ્રોલિંગમાં હતી, તે દરમ્યાન જીતાલી ગામની સ્ટાર લેક સીટી સોસાયટીના મકાન નંબર 21 માં જુગાર રમાય રહ્યો હોવાની માહિતી મળી હતી.

જે માહિતીના આધારે એલસીબી પોલીસે રેડ કરતા જુગાર રમતા જહૂર માલવાણી શેખ, જ્ઞાનચંદ શિવપૂજન સોની અને  શશીકાન્ત મુક્તિ મંડલ તેમજ અજય સદાનંદ ધુમાડને ઝડપી લીધા હતા. ભરૂચ એલસીબી પોલીસે સ્થળ પરથી રોકડા રૂપિયા 48 હજાર 40 હજારના 4 નંગ મોબાઈલ અને રૂ. 4 લાખની કાર મળી કુલ રૂપિયા 4 લાખ 88 હજારનો મુદ્દામાલ જપ્ત કરી ચારેય જુગારીયાઓ વિરુદ્ધ અંકલેશ્વર રૂરલ પોલીસ મથકમાં ફરિયાદ નોંધાવતા આગળની કાર્યવાહી હાથ ધરવામાં આવી છે.