• અંજારમાં મહિલાASIની હત્યાથી ચકચાર

• ઘટનાને પગલે પોલીસતંત્રમાં ચકચાર 

• પ્રેમીએ ગળું દબાવીને કરી પ્રેમિકાની હત્યા

• પારિવારિક ઝગડાએ લીધું ઉગ્ર સ્વરૂપ   

• CRPFના જવાન પ્રેમીએ કર્યું પોલીસમાં સરેન્ડર

અંજાર પોલીસ સ્ટેશનમાં આસિસ્ટન્ટ સબ ઇન્સ્પેક્ટર તરીકે ફરજ બજાવતા 25 વર્ષીય અરુણા નટુભાઈ જાદવની રાત્રે તેના પ્રેમીએ ઘરમાં ગળું દબાવીને હત્યા કરી નાખતા પોલીસ બેડામાં ચકચાર મચી ગઈ હતી.

કચ્છ જિલ્લાના અંજાર પોલીસ સ્ટેશનમાં આસિસ્ટન્ટ સબ ઇન્સ્પેક્ટર તરીકે ફરજ બજાવતા 25 વર્ષીય અરુણા નટુભાઈ જાદવની ગત રાત્રે તેના પ્રેમીએ ઘરમાં ગળું દબાવીને હત્યા કરી નાખતા પોલીસ ખાતામાં ચકચાર મચી ગઈ હતી. મરણ જનાર અરુણા જાદવ મૂળ સુરેન્દ્રનગરના દેરવાડાના વતની હતા અને અંજારની ગંગોત્રી સોસાયટી-2માં રહે છે. ગત મોડી રાત્રે અરુણા અને તેના પુરુષ મિત્ર દિલીપ ડાંગચીયા વચ્ચે કોઈક બાબતને લઈને જબરદસ્ત ઝઘડો થયો હતો.

જેમાં દિલીપે પિત્તો ગુમાવીને અરુણાનું ગળું દબાવી હત્યા કરી નાખી હતી. દિલીપ મણિપુરમાંCRPFમાં ફરજ બજાવે છે. અરુણાની હત્યા કર્યા બાદ દિલીપ સામેથી અંજાર પોલીસ મથકે હાજર થઈ ગયો હતો. દિલીપ પણ સેન્ટ્રલ રિઝર્વ પોલીસ ફોર્સ (CRPF)માં ફરજ બજાવે છે અને મણિપુર ખાતે પોસ્ટિંગ થયેલું છે. દિલીપ અરુણાની બાજુના ગામનો વતની છે.

બંને લાંબા સમયથી એકમેકના પ્રેમસંબંધમાં હતા અને લગ્ન કરવાનું આયોજન કરતા હતા. રાત્રે પારિવારીક બાબતમાં બોલાચાલી થતાં અરુણાએ દિલીપની માતા વિશે એલફેલ બોલવાનું શરૂ કરતા દિલીપે હત્યા કરી નાખી હતી. બનાવના પગલે અંજાર પીઆઈ એ.આર. ગોહિલ સહિતની ટીમે તપાસ શરૂ કરી હતી.