અરવલ્લી : ડ્રેગન ફ્રુટની ખેતીથી ખેડૂતે કરી કરોડોની કમાણી, દેશભરમાં કમલમ ફ્રૂટનું ધૂમ વેચાણ

અરવલ્લી જિલ્લાના પ્રગતિશીલ ખેડુત શ્રીકાંતભાઈ ડ્રેગનફ્રૂટની ખેતી કરીને ત્રણ વર્ષમાં દોઢ કરોડ રૂપિયા કમાયા છે. તેમના આ સાહસમાં સરકારનો પણ સાથ છે.

જે ખેતરનો નજારો જોઈ રહ્યાં છો તે છે બાયડના ખેડૂત શ્રીકાંતભાઈનું ખેતર છે. શ્રીકાંતભાઈએ ખેતીમાં નવું સાહસ કરી ડ્રેગન ફ્રુટ નું વાવેતર કર્યું અને પરિણામે તે ત્રણ વર્ષમાં દોઢ કરોડ રૂપિયાથી વધારે કમાણી કરી ચુક્યા છે. આ ખેડૂતે ટેકનોલોજીનો ઉપયોગ કરી ડ્રેગન ફ્રુટનું ઓનલાઈન વેચાણ પણ કરી રહ્યા છે. આ સાહસ થી માત્ર શ્રીકાંતભાઈ સમૃદ્ધ થયા નથી, પણ 25થી વધુ શ્રમિકોને પણ રોજગારી આપી છે. ડ્રેગન ફ્રુટની ખેતી કરવાથી બીજા મજુરોને પણ રોજગારી મળતી હોય છે, 25 થી 30 મજુરોને રોજગારી આપી રહ્યા છે. આ પ્રગતિશીલ ખેડુત ડ્રેગનફ્રુટની ખેતી પણ કરી અને નર્સરી પણ વિકસાવી છે. હાલ તેમની નર્સરીના રોપા મહારાષ્ટ્ર, પશ્ચિમ બંગાળ, ઉત્તરપ્રદેશ, રાજસ્થાન અને કાશ્મીર જેવા રાજ્યોમાં વેચાય છે. આમ સ્થાનિક સ્તરે ખેત પ્રયોગનું બજાર રાષ્ટ્રીય છે. શ્રીકાંતભાઈ કહે છે કે, ડ્રેગન ફ્રુટની કમલો તૈયાર કરી પુરા ભારતમાં સપ્લાય કરીએ છીએ. અમે દરેક પ્રકારના ડ્રેગન ફ્રુટના પ્લાન્ટ સપ્લાય કરીએ છીએ.

સરકારની યોજના હેઠળ 6.5 લાખ રૂપિયાની સબસીડી પણ મળી છે. ગુજરાતમાં શ્રીકાંતભાઈ જેવા અનેક ખેડૂતો ખેતીમાં નવા પ્રયોગો કરી અન્ય ખેડૂતોને પ્રેરણા પુરી પાડી રહ્યા છે અને ગુજરાતની કૃષિ ચિત્ર બદલી રહ્યા છે.