અરવલ્લી: પોલીસે શામળાજી નજીક રાજસ્થાન બોર્ડર પરથી મોટી સંખ્યામાં વિદેશી દારૂનો જથ્થો ઝડપી પાડ્યો

અરવલ્લી જિલ્લા પોલીસે શામળાજી નજીક રાજસ્થાન બોર્ડર પરથી મોટીસંખ્યામાં વિદેશી દારૂનો જથ્થો ઝડપી પાડી કાયદેસરની કાર્યવાહી હાથ ધરી છે

અરવલ્લી જિલ્લામાંથી વિદેશી દારૂની હેરાફેરી પર પોલિસે કડક કાર્યવાહી કરી છે.એક જ દિવસમાં શામળાજી નજીક રાજસ્થાન સીમા તેમજ જુદા જુદા પોલિસ સ્ટેશન વિસ્તારમાંથી પોલીસને વીસ લાખ જેટલાના વિદેશી દારૂ સહિતના મુદ્દામાલને જપ્ત કરવામાં સફળતા મળી છે. આ સાથે જ જિલ્લાની અલગ અલગ ટીમ દ્વારા શામળાજી પોલિસ સ્ટેશનમાં પ્રોહિબિશના 15 કેસ કરીને કુલ 1 કરોડનો મુદ્દામાલ જપ્ત કરવામાં આવ્યો છે.