ગુજરાતમાં ચૂંટણી પ્રક્રિયાને ધ્યાનમાં રાખી દિવાળી પહેલાં રાજ્યના 76 જેટલા DySPની બદલી કરાય...

રાજ્યમાં ડિસેમ્બર મહિનામાં યોજાનારી ચૂંટણી પ્રક્રિયા ધ્યાને રાખીને પોલીસ બેડામાં 76 જેટલા DySP બદલી મધરાતે ગૃહ વિભાગ દ્વારા કરવામાં આવી છે.

author-image
By Connect Gujarat in ગુજરાત સમાચાર
New Update
ગુજરાતમાં ચૂંટણી પ્રક્રિયાને ધ્યાનમાં રાખી દિવાળી પહેલાં રાજ્યના 76 જેટલા DySPની બદલી કરાય...

રાજ્યમાં ડિસેમ્બર મહિનામાં યોજાનારી ચૂંટણી પ્રક્રિયા ધ્યાને રાખીને પોલીસ બેડામાં 76 જેટલા DySP બદલી મધરાતે ગૃહ વિભાગ દ્વારા કરવામાં આવી છે. રાત્રે કરવામાં આવેલ બદલીમાં DySP-ACP કક્ષાના અધિકારીઓની બદલી કરવામાં આવી છે.

Advertisment



રાજ્ય સરકારના ગૃહ વિભાગ દ્વારા ચૂંટણી અગાઉ ચૂંટણી પંચના નિયમોને અનુસરી અને એ ઉપરાંત નિયમ અનુસાર અધિકારીઓની બદલી કરવાની પ્રક્રિયા હેઠળ 76 જેટલા નાયબ પોલીસ અધિક્ષક બદલી કરવામાં આવી છે. રાજ્યમાં અલગ અલગ જિલ્લાઓ અને શહેરમાં નિયુક્ત DySP-ACPની અન્ય સ્થળે બદલી કરવામાં આવી છે. જેમાં અમુક અધિકારીઓની બદલી કરીને તેમજ જિલ્લા શહેરમાં રાખવામાં આવ્યા છે, જ્યારે ઘણા અધિકારીઓને રેન્જ પણ બદલી નાખવામાં આવી છે. ગૃહ વિભાગ દ્વારા કરવામાં આવેલી બદલીઓમાં ખાસ અમદાવાદ ડી' ડિવીઝન ACP હિતેશ ધાંધલ્યા બદલી જુનાગઢ વિભાગીય પોલીસ અધિકારી તરીકે, સીઆઈડી ક્રાઇમ DySP અશ્વિન પટેલની બદલી ડાંગ જિલ્લા વિભાગીય પોલીસ અધિકારી તરીકે, ACBના મદદનીશ નિયામક ડી.પી.વાઘેલાની બદલી વિભાગીય પોલીસ અધિકારી જામનગર, અમદાવાદ સી' ડિવિઝન ACP એમ.એચ.વાઘેલાની બદલી DySP પોલીસ ભવન ખાતે, સ્ટેટ ટ્રાફિક બ્રાન્ચના DySP જે.જે.ચૌધરીની બદલી ACP રાજકોટ શહેર ઉત્તર ઝોન, CID ક્રાઇમના DySP એસ.એમ.ચૌધરી બદલી નાયબ પોલીસ અધિક્ષક પાટણ, જામનગર SC/ST સેલ નાયબ પોલીસ અધિક્ષક જે.એસ.ચાવડાની બદલી નાયબ અધિક્ષક મધ્યસ્થ જેલ અમદાવાદ ખાતે અને નિમણુંક માટે પ્રતિક્ષા હેઠળ મૂકવામાં આવેલા બી.એમ.વસાવાની બદલી DGP ઓફિસ પોલીસ ભવનના સ્ટાફ ઓફિસર તરીકે કરવામાં આવી છે.

#Gujarat Police #Diwali #transferred #DYSP #BeyondJustNews #Connect Gujarat #Gujarat #election
Advertisment
Related Articles
Read the Next Article

સંઘપ્રદેશ દમણમાં થયેલી રૂ. 1.33 કરોડની ચોરીનો ભેદ પોલીસે ઉકેલી કાઢ્યો, દાહોદથી 3 તસ્કરોની ધરપકડ

તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી ફરાર થઈ ગયા હતા

author-image
By Connect Gujarat Desk in ગુજરાત સમાચાર
New Update

  • સંઘપ્રદેશ દમણ ક્રાઇમ બ્રાન્ચ પોલીસને મળી સફળતા

  • 20 દિવસમાં જ રૂ. 1.33 કરોડની ચોરીનો ભેદ ઉકેલ્યો

  • દાહોદ ખાતેથી 3 આંતરરાજ્ય તસ્કરોની ધરપકડ કરી

  • સોનું અને 8 હજાર UK પાઉન્ડ રોકડની થઈ હતી ચોરી

  • પોલીસે 18 લાખ રૂપિયાનું 26 તોલા સોનું રિકવર કર્યું 

Advertisment

સંઘપ્રદેશ દમણ પોલીસે માત્ર 20 દિવસમાં જ મોટી દમણમાં થયેલી રૂ. 1.33 કરોડની ચોરીનો ભેદ ઉકેલી કાઢી 3 આંતરરાજ્ય તસ્કરોની ધરપકડ કરી રૂ. 18.17 લાખની કિંમતનું 261.530 ગ્રામ સોનું જપ્ત કર્યું છે.

ગત તા. 28 ફેબ્રુઆરી-2025ના રોજ સંઘપ્રદેશ દમણના મોટી દમણ વિસ્તારમાં આવેલ મંદિર શેરી વિસ્તારમાં રહેતા ઇશ્વરભાઈ ટંડેલના ઘરમાંથી ચોરી થઈ હતી. ટંડેલ પરિવાર લંડનથી ભારત આવ્યો હતો, ત્યારે તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી હતી. આ સાથે જ શ્રી રણછોડરાયજી મંદિરની દાનપેટીમાં રહેલ 20થી 25 હજારની રોકડ પર હાથફેરો કર્યો હતો. સમગ્ર મામલે દમણ ક્રાઇમ બ્રાન્ચના PSI ભરત પરમારના નેતૃત્વમાં તપાસ શરૂ કરવામાં આવી હતી.

જેમાં ટેકનિકલ એનાલિસિસ અને હ્યુમન ઇન્ટેલિજન્સના આધારે દાહોદથી 3 આરોપીઓની ધરપકડ કરવામાં આવી હતી. ચોરીને અંજામ આપનાર મુખ્ય આરોપી ભરત મોતીલાલ પંચાલ જે 50થી વધુ ગુનાઓમાં સંડોવાયેલો છે. તે ગુજસીટોક હેઠળ સજા પણ ભોગવી ચૂક્યો છે, જ્યારે અન્ય 2 આરોપીઓમાં જિજ્ઞેશ રાજુભાઈ પંચાલ અને પંકજકુમાર ઉર્ફે પુનીત ભરતભાઈ સોનીનો સમાવેશ થાય છે.

પોલીસે આરોપીઓ પાસેથી 18 લાખ રૂપિયાનું 26 તોલા સોનું પણ રિકવર કર્યું છે. હાલ સમગ્ર મામલામાં વધુ લોકો સામેલ હોય તેવું પોલીસ જણાવી રહી છે, ત્યારે આગામી તપાસમાં વધુ લોકોને પોલીસ દ્વારા પકડવાની હિલચાલ શરૂ કરવામાં આવી છે. દમણ પોલીસની ઝડપી કાર્યવાહીથી સ્થાનિક લોકોમાં પોલીસ પ્રત્યે વિશ્વાસ વધ્યો છે.

#Daman Crime Branch Police #ધરપકડ #Theft Case #Smugglers #Daman
Advertisment