ભરૂચ: પાલેજની સ્ટીલકો કંપનીમાંથી રૂ.4.50 લાખના સામાનની ચોરીના મામલામાં 9 આરોપીઓની ધરપકડ

વડોદરાના રાજેશ રાવલ ભરૂચની પાલેજ જીઆઇડીસીની સ્ટીલકો કંપનીમાં જનરલ મેનેજર તરીકે ફરજ બજાવે છે. ગત 17મીએ પ્લાન્ટમાંથી પાછળના ભાગ તરફ બે-ત્રણ શખ્સો કંપનીની બાય પ્રોડક્ટ ઝીંક બોટમ ડ્રોસ લઇને ભાગતાં દેખાયાં હતાં. સિક્યુરિટીએ તેમનો પિછો કરતાં તેઓ ઝાડી-ઝાંખરામાં થઇ ભાગી ગયાં હતાં.

તપાસ કરતાં ત્યાં ઝીંક બોટમ ડ્રોસના 8 પીસ જમીન પર પડેલાં મળી આવ્યાં હતાં. સ્ટોરમાં તપાસ કરાવતાં ગત 2 થી 17 ફેબ્રુઆરી સુધીમાં 120 ઝીંક બોટમ ડ્રોસ વજન 3000 કિલોની ચોરી થયાનું માલુમ પડ્યું હતું. જે અંગે પાલેજ પોલીસ મથકે અજાણ્યા શખ્સો સામે કુલ 4.50 લાખના સામાનની ચોરી અંગે ફરિયાદ નોંધાવાઈ હતી.પોલીસે આ મામલામાં કુલ 9 આરોપીઓની ધરપકડ કરી છે અને તેઓ પાસેથી રૂ.3.50 લાખનો મુદ્દામાલ રિકવર કર્યો છે