અંકલેશ્વર: GIDCમાંથી વિદેશી દારૂ ભરેલી કાર ઝડપાય, બુટલેગરની ધરપકડ

અંકલેશ્વર જી.આઈ.ડી.સી.પોલીસ મથકનો સ્ટાફ પેટ્રોલિંગમા હતો તે દરમિયાન બાતમી મળી હતી કે ગોલ્ડન પોઈન્ટ એકઝોટીક બંગલોઝ પાસે વિદેશી દારૂ ભરી કાર નંબર-જી.જે.05.જે.એલ 4124 આવનાર છે.જેવી બાતમીના આધારે પોલીસે વોચ ગોઠવી હતી તે દરમિયાન બાતમી વાળી કાર આવતા પોલીસે તેને અટકાવી કારમાં તપાસ કરતાં તેમાંથી વિદેશી દારૂની 96 નંગ બોટલ મળી આવી હતી પોલીસે 48 હજારનો દારૂ અને 3 લાખની કાર મળી કુલ 3.58 લાખના મુદ્દામાલ સાથે મૂળ નેત્રંગના મોરિયાણા ગામનો અને હાલ ગોલ્ડન પોઈન્ટ એકઝોટીક બંગલોઝ ખાતે રહેતો મુકુંદ  વસાવાને ઝડપી પાડ્યો હતો જ્યારે વિદેશી દારૂ મંગાવનાર વિજય મણિલાલ પટેલ અને માલજીપરા ગામના લાલુ વસાવાને વોન્ટેડ જાહેર કરી વધુ તપાસ હાથ ધરી છે.