• અંકલેશ્વરના ઉછાલી ગામે આવેલો છે દત્ત આશ્રમ

• દત્ત આશ્રમ ભક્તોની અનન્ય આસ્થાનો પ્રતિક

• ગૃરુલીલામૃત ગ્રંથના પારાયણનું આયોજન

• સ્વહાકાર સાથે ગૃરુલીલામૃતનું પારાયણ

• 200થી વધુ દત્તભક્તો લઈ રહ્યા છે લાભ

પાવન સલીલા માં નર્મદાના કિનારે આવેલ નારેશ્વરને તપોભૂમિ બનાવી શ્રીરંગ અવધૂત મહારાજે યોગસાધના અને ભક્તિભાવનાના સહારે લોકકલ્યાણનાં અનેક કાર્યો કરી ગુરુલીલામૃત જેવા વરદ ગ્રંથની રચના કરી છે ત્યારે અંકલેશ્વર તાલુકા ઉછાલી ગામે પૂજ્ય નર્મદા નંદજી પ્રેરિત જાણીતા દત્ત આશ્રમ ખાતે તા. 23 માર્ચથી 29 માર્ચ સુધી ગૃરુલીલામૃતના સ્વહાકાર સાથે પારાયણનું આયોજન કરવામાં આવ્યું છે.ભગવાન દત્તાત્રેયના 16 અવતારો થઈ ગયા ત્યારે આ યજ્ઞમાં 16 ભુદેવો દ્વારા ગૃરુલીલામૃતના ત્રણ કાંડ જ્ઞાનકાંડ,કર્મકાંડ અને ઉપાસના કાંડના કુલ 19,005 શ્લોક મળી 7 દિવસમાં 3.50 લાખ આહુતિ આપવામાં આવી રહી છે.

આ સાથે જ ભરૂચ-સુરત અને વડોદરા સહિતના સ્થળોએથી પધારેલ 200થી વધુ દત્તભક્તો શ્રી ગૃરુલીલામૃતનું સામુહિક પારાયણ પણ કરી રહ્યા છે. આચાર્ય વિજયકાંત વ્યાસ અને તેમના સુપુત્ર વિપુલ વ્યાસ દ્વારા તેમના સુમધુર કંઠે ગૃરુલીલામૃતના શ્લોકના પઠન થઈ યજ્ઞમાં આહુતિ અપાવવામાં આવી રહી છે. વિશ્વ શાંતિ અને સકારાત્મક ઊર્જાનો સંચાર થાય એ હેતુથી યોજાયેલ આ યજ્ઞમાં દૂધ,ભાત અને ઘી મિશ્રિત પાયસ દ્વારા  આહુતિ આપવામાં આવી રહી છે.