અંકલેશ્વર : શ્રી સમસ્ત ગુજરાત બ્રહ્મ સમાજ-GIDC એકમ દ્વારા ધો. 10-12 બોર્ડના વિદ્યાર્થીઓનો શુભેચ્છા સમારોહ યોજાયો...

• GIDC વિસ્તાર સ્થિત ફ્રી બર્ડ્સ એકેડેમી ખાતે આયોજન

• શ્રી સમસ્ત ગુજરાત બ્રહ્મ સમાજ દ્વારા કાર્યક્રમ યોજાયો

• ધો. 10-12 બોર્ડના વિદ્યાર્થીઓનો શુભેચ્છા સમારોહ યોજાયો

• વિદ્યાર્થીઓને પરીક્ષાલક્ષી સફળતા માટે પ્રોત્સાહન અપાયું

• સમસ્ત ગુજરાત બ્રહ્મ સમાજના પ્રમુખ-સભ્યોની ઉપસ્થિતિ

ભરૂચ જિલ્લાના અંકલેશ્વર GIDC વિસ્તાર સ્થિત જૈન દેરાસર રોડ પર આવેલ ફ્રી બર્ડ્સ એકેડેમી ખાતે શ્રી સમસ્ત ગુજરાત બ્રહ્મ સમાજ GIDC-અંકલેશ્વર દ્વારા બ્રહ્મ સમાજના ધો. 10 અને 12 બોર્ડના વિદ્યાર્થીઓ માટે શુભેચ્છા સમારોહનું આયોજન કરવામાં આવ્યું હતું.

ધો. 10 અને 12 બોર્ડના વિદ્યાર્થીઓ પોતાના માતા-પિતા અને શિક્ષકોની મહેનતનું ધારેલું પરિણામ લાવી શકે તેમજ પરીક્ષાલક્ષી સફળતામાં પ્રેરણા અને પ્રોત્સાહન પૂરું પાડવા માટે ભરૂચ જિલ્લાના અંકલેશ્વર GIDC વિસ્તાર સ્થિત જૈન દેરાસર રોડ પર આવેલ ફ્રી બર્ડ્સ એકેડેમી ખાતે શ્રી સમસ્ત ગુજરાત બ્રહ્મ સમાજ GIDC-અંકલેશ્વર દ્વારા બ્રહ્મ સમાજના ધો. 10 અને 12 બોર્ડના વિદ્યાર્થીઓનો શુભેચ્છા સમારોહ યોજાયો હતો.

જેમાં બોર્ડના વિદ્યાર્થીઓને પુસ્તક અને ભેટ આપી શુભેચ્છા પાઠવવામાં આવી હતી. ત્યારબાદ વિદ્યાર્થીઓએ મહાનુભાવો સમક્ષ પોતાના મંતવ્યો રજૂ કર્યા હતા. આ પ્રસંગે સમસ્ત ગુજરાત બ્રહ્મ સમાજ અંકલેશ્વર-GIDC એકમના પ્રમુખ ચંદુ જોશી, મહામંત્રી ભાસ્કર આચાર્ય, મહિલા પ્રમુખ રૂપલ જોશી, યુવા પ્રમુખ દર્શન જાની, કંદર્પ તેરૈયા, શીતલ જાની, લેખા જોશી, દિક્ષા તેરૈયા, અવની ભટ્ટ, લેખા જોશી,રીમા વ્યાસ સહિતના સભ્યો તેમજ મોટી સંખ્યામાં વિદ્યાર્થીઓ ઉપસ્થિત રહ્યા હતા.