અંકલેશ્વર વાલિયા રોડ પર આવેલી સીએમ એકેડમીમાં સ્વિમિંગ પૂલનું કામ ચાલી રહ્યું હતું તે દરમિયાન આજે બપોરના સમયે એકાએક જ સ્ટ્રક્ચર ધરાશયી થઈ જતા નજીકમાં કામ કરી રહેલા 23 જેટલા કામદારોની ઈજા પહોંચી હતી.સ્ટ્રક્ચર ધરાશાયી થઈ જતા દોડધામ મચી જવા પામી હતી એક બાદ એક એમ્બ્યુલન્સ મારફતે તમામ ઇજાગ્રસ્તોને અંકલેશ્વરની જયાબેન મોદી હોસ્પિટલ સારવાર અર્થે ખસેડવામાં આવ્યા હતા જ્યાં ત્રણ કામદારોને ગંભીર ઈજા પહોંચી હોવાનું જાણવા મળ્યું છે. બનાવની જાણ થતાની સાથે જ ભરૂચ કલેકટર તુષાર સુમેરા પણ દોડી આવ્યા હતા તેઓએ ઘટના સ્થળ અને હોસ્પિટલની મુલાકાત લીધી હતી. કલેકટર તુષાર સુમેરાએ જણાવ્યું હતું કે આ ઘટનામાં કુલ 23 જેટલા કામદારોને ઈજા પહોંચી છે. હવે કોઈ કામદાર સ્ટ્રક્ચરની નીચે દબાયુ નથી. બનાવની તપાસ કરવામાં આવી રહી છે