ભરૂચ : નબીપુર સાર્વજનિક હોસ્પિટલમાં યોજાય રક્તદાન શિબિર યોજાય

ભરૂચના નબીપુર સ્થિત સાર્વજનિક હોસ્પિટલ ખાતે રકતદાન શિબિર યોજાઇ હતી. આયોજિત રકતદાન શિબિરમાં યુવાનોએ ઉત્સાહપૂર્વક રકતદાન કરી માનવસેવાની સરવાણી વહાવી હતી.

રક્ત એ એક એવી અમુલ્ય વસ્તુ છે કે આકસ્મિક ઘટનાઓ તેમજ ગંભીર બીમારીઓમાં તાતી જરૂર પડતી હોય છે. જેને ધ્યાને રાખી સેવાભાવી સંસ્થાઓ તેમજ સેવાભાવી લોકો દ્વારા સમયાંતરે રકતદાન શિબિરનું આયોજન કરી માનવસેવાનું ઉમદા કાર્ય થઈ રહ્યું છે.ત્યારે ભરૂચના નબીપુર સ્થિત સાર્વજનિક હોસ્પિટલ ખાતે ભરૂચ જિલ્લા યુથ કોંગ્રેસ, તાલુકા પંચાયત સદસ્ય શકીલ અકુજી, ગ્રામ પંચાયત નબીપુર તેમજ સાર્વજનિક હોસ્પિટલ નબીપુરના સંયુક્ત ઉપક્રમે રકતદાન શિબિર યોજાઇ હતી.

આયોજિત રકતદાન શિબિરમાં નબીપુર સહિત આજુબાજુના ગામોના યુવાનોએ ઉત્સાહપૂર્વક રકતદાન કરી માનવસેવાની સરવાણી વહાવી હતી. આયોજિત રકતદાન શિબિરમાં ૧૦૦ જેટલા યુવાનોએ ઉત્સાહપૂર્વક પોતાનું રકતનું દાન કરી વિશેષ સાંપ્રત યુવા પેઢી માટે પ્રેરણાદાયી બન્યા હતા. નબીપુર તાલુકા પંચાયત સદસ્ય શકીલ અકુજીએ મિડિયા સમક્ષ નિવેદનમાં જણાવ્યું હતું કે આજના રકતદાન શિબિર કાર્યક્રમમાં યુવાનોએ ઉત્સાહપૂર્વક રકતદાન કરી એક સુંદર સંદેશ આપ્યો છે. જ્યારે જ્યારે રકતદાન શિબિર કાર્યક્રમનું આયોજન થાય છે ત્યારે યુવાનો ઉત્સાહપૂર્વક આ ઉમદા કાર્યમાં ભાગ લઇ કાર્યક્રમને સફળ બનાવે છે. એ બદલ તેઓએ સૌ નો આભાર વ્યક્ત કર્યો હતો.