ભરૂચ: ક્રાઇમ બ્રાન્ચે રીક્ષામાં થતી વિદેશી દારૂની હેરાફેરીનો કર્યો પર્દાફાશ, રૂ.3.34 લાખના મુદ્દામાલ સાથે 4 આરોપીની ધરપકડ

પોલીસે બાતમીવાળી રિક્ષા સાથે 4 ઇસમોને ઝડપી પાડી રીક્ષાની તલાસી લેતા રૂ.1.23 લાખની કિંમતના વિદેશી દારૂના 23 બોક્સ, 2 રીક્ષા અને 3 મોબાઈલ મળી રૂ.3.34 લાખનો મુદ્દામાલ જપ્ત કર્યો

By Connect Gujarat Desk 24 Apr 2025 in ભરૂચ ગુજરાત

New Update

ભરૂચ ક્રાઇમ બ્રાન્ચના પી.એસ.આઈ. ડી.એ.તુવરની ટીમ ભરૂચ શહેરમાં ખાનગી વાહનમાં પેટ્રોલીંગમાં હતી દરમ્યાન બાતમી મળી હતી કે - અગાઉ વિદેશી દારૂના ગુનામાં પકડાયેલ હસમુખ રાઠોડ અને સાદીક શેખ નેશનલ હાઇવે ઉપર મીણીયા થેલાના પાર્સલોમાં વિદેશી દારૂ ઉતારી ઓટો રીક્ષાઓ મારફતે ભરુચ શહેરમાં ઘુસાડનાર છે જે બાતમીના આધારે પોલીસે જીએનએફનસી ઓવરબ્રિજ નજીક બાતમીવાળી રીક્ષા નંબર GJ-06-AW-4978 તથા GJ-16-AT-3550 સાથે 4 ઇસમોને ઝડપી પાડી રીક્ષાની તલાસી લેતા રૂ.1.23 લાખની કિંમતના વિદેશી દારૂના 23 બોક્સ, 2 રીક્ષા અને 3 મોબાઈલ મળી રૂ.3.34 લાખનો મુદ્દામાલ જપ્ત કર્યો હતો.

Advertisment

પોલીસે આ મામલામાં હસમુખ રમેશભાઇ રાઠોડ રહે.મ.નં.૭૩/૨ સંતોષી વસાહત, સાદીક સલીમ શેખ રહે.કસક અપ્સરા એપાર્ટમેન્ટની ઝુપડપટ્ટી , રજાક નસરુદ્દીન દીવાન રહે.કરમાડ ગામ નવી નગરી અને અબ્દુલ મુનાફ અબ્દુલ સત્તાર મેમણ રહે.મ.નં.૭૪/૩ સંતોષી વસાહતની ધરપકડ કરી છે જ્યારે આરોપી કૃણાલ પરમાર રહે.આશ્રય સોસાયટીને વોન્ટેડ જાહેર કરવામાં આવ્યો છે.

#smuggling Liquor #foreign liquor case #Foreign Liqour #વિદેશી દારૂનો જથ્થો #વિદેશી દારૂ #Bharuch Crime Branch

Advertisment