ભરૂચના જંબુસર તાલુકાના કારેલી ગામે ફૂલમાળી સમાજનો યુવાન દરબાર સમાજની પરણીતાને લઈને ફરાર થતા મામલો ગરમાતા રાત્રીના સમયે ફુલમાળી સમાજના પાંચ ઘરમા તોડફોડ કરી હોવાના તથા બનાવ સંદર્ભે વેડચ પોલીસ મથકે કારેલી ગામના ૬ ઇસમો વિરુદ્ધ ગુનો નોંધાતા પોલીસે તપાસ શરૂ કરી છે.

ભરૂચના જંબુસર તાલુકાના કારેલી ગામે ફૂલમાળી સમાજના યુવાન દરબાર સમાજની પરણીતાને લઈને ફરાર થતા મામલો ગરમાયો હતો.રાત્રીના આઠ વાગ્યાના અરસામા કારેલી ગામે રહેતા મધુબેન કાળીદાસભાઈ  ફુલમાળી પોતાના ઘરે હતા તે સમયે હેમંતભાઈ ઉર્ફે ભોળાભાઈ તેઓના ઘરે આવી તારો છોકરો મારા કુટુંબી ભાઈ બળવંતભાઈની પત્ની મીનાબેનને લઈ ગયો હોય જેથી તારા છોકરાને ગમે ત્યાંથી શોધી લાવ તેમ કહી હેમંતભાઈએ મધુબેનની છોકરીને એક તમાચો મારીને જતા રહ્યા હતા. ત્યારબાદ રાત્રિના નવ વાગ્યાના અરસામા હેમંતભાઈ ઉર્ફે ભોલાભાઈ પઢીયાર, સુનિલભાઈ પઢીયાર, બળવંતભાઈ પઢીયાર, સોહમભાઈ પઢીયાર, ચિરાગભાઈ પઢીયાર તથા જેસીબી ડ્રાઈવર એક સંપ થઈ ફળિયામાં જેસીબી મશીન લઇ ને ધસી આવ્યા હતા અને મધુબેન તથા ફૂલછળના ભાગે આવેલ શૌચાલય સહિતનુ બાંધકામ જેસીબી મશીન વડે તોડી નાખી અંદાજિત દોઢ લાખ રૂપિયાનું નુકસાન કરી ફરિયાદીના પુત્રને જાનથી મારી નાખવાની ધમકી આપી હતી.આ બનાવ સંદર્ભે મધુબેન ફુલમાળીએ હુમલાખોરો વિરુદ્ધ ફરિયાદ નોંધાવતા વેડચ પોલીસે કાયદેસરની કાર્યવાહી હાથ ધરી પોલીસ ઇન્સ્પેક્ટર બી.એમ ચૌધરીએ હુમલાખોરોને પકડવા માટેની કવાયત હાથ ધરી છે.