રવિવારે રજાના દિવસે હજારો પ્રવાસીઓ અહીં ઉમટી પડ્યા ત્યારે એક યુવાને અહીં સ્ટંટ કરવાનો શોખ રાખ્યો અને તેની થાર જીપ લેકના પાણીમાં ફસાઈ ગઈ.

આણંદ જિલ્લાના યુવક લેક કિનારે પોતાની થાર જીપ લઈને આવ્યો હતો. પાણીથી ભરાયેલા માર્ગ પર જીપ હંકારી જતા એન્જિન સુધી પાણી પહોંચ્યું અને કાર ત્યાં જ બંધ થઈ ગઈ. કલાકો સુધી પ્રયાસ કર્યા બાદ પણ વાહન સ્ટાર્ટ ન થયું.સ્થાનિક ગામ લોકો ઘટનાસ્થળે દોડી આવ્યા અને કારમાં બેઠેલા પ્રવાસીઓને સુરક્ષિત બહાર કાઢ્યા. પિકઅપ ડાલા વડે જીપને પણ બહાર કાઢવામાં આવી હતી. સદનસીબે કોઈ જાનહાનિ થઈ ન હતી.