ભરૂચ: મહાત્મા જ્યોતિરાવ ફૂલેની જન્મ જયંતી નિમિતે સ્ટેચ્યુ પાર્ક સ્થિત તેમની પ્રતિમાને ફુલહાર અર્પણ કરાયા

મહાત્મા ફૂલેની જન્મ જયંતીની ઉજવણીના ભાગરૂપે ભરૂચમાં સ્ટેચ્યુ પાર્ક ખાતે વિવિધ સંગઠનો દ્વારા જ્યોતિરાવ ફૂલેની પ્રતિમાને ફુલહાર અર્પણ કરી શ્રદ્ધાંજલિ પાઠવવામાં આવી

author-image
By Connect Gujarat Desk | Updated On in ભરૂચ સમાચાર
New Update

  • આજે જ્યોતિરાવ ફુલેની જન્મજયંતિ

  • ઠેર ઠેર કાર્યક્રમો યોજાયા

  • ભરૂચમાં પણ કાર્યક્રમનું આયોજન

  • સ્ટેચ્યુ પાર્ક સ્થિત પ્રતિમાને ફૂલહાર અર્પણ કરાયા

  • બામસેફ-ઇન્સાફ સંગઠનના આગેવાનો જોડાયા

મહાત્મા જ્યોતિરાવ ફૂલેની જન્મ જયંતીની ઉજવણીના ભાગરૂપે ભરૂચમાં સ્ટેચ્યુ પાર્ક ખાતે વિવિધ સંગઠનો દ્વારા જ્યોતિરાવ ફૂલેની પ્રતિમાને ફુલહાર અર્પણ કરી શ્રદ્ધાંજલિ પાઠવવામાં આવી હતી.
ભરૂચના સ્ટેચ્યુ પાર્ક ખાતે આજે મહાત્મા જયોતિરાવ ફૂલેની જન્મ જયંતી નિમિત્તે બામસેફ-ઇન્સાફ-BMG સંગઠન અને આદિવાસી અસ્મિતા સંરક્ષક સમિતિના સંયુક્ત ઉપક્રમે કાર્યક્રમનું આયોજ કરવામાં આવ્યું હતું.
કાર્યક્રમમાં બામસેફ પૂર્વ રાષ્ટ્રીય અધ્યક્ષ બહેચર રાઠોડ, મહાસચિવ બામસેફ ગુજરાત શાંતિલાલ રાઠોડ,બામસેફ પ્રમુખ ભરૂચ મનિષ પરમાર,ઇન્સાફ સંગઠન રાષ્ટ્રીય સચિવ મોહન પરમાર, સહિતના આગેવાનો અને કાર્યકરો ઉપસ્થિત રહ્યા હતા. આમંત્રીતોએ મહાત્મા ફૂલેની પ્રતિમાને પુષ્પાંજલિ અર્પણ કરીને તેમના સમાજ સુધારક કાર્યો, શૈક્ષણિક પ્રવૃતિઓ અને સમતાના સંદેશને યાદ કર્યો હતો.
#Bharuch News #Jyotirao Phule #Jyotirao Phule's birth anniversary
Related Articles
Read the Next Article

ભરૂચ: હાંસોટ પોલીસ મથકના પોલીસકર્મીઓની દારૂની મહેફિલનો વિડીયો વાયરલ, SPએ આપ્યા તપાસના આદેશ

હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતારી સોશિયલ મીડિયામાં વાયરલ કર્યો

author-image
By Connect Gujarat Desk in ભરૂચ ગુજરાત
New Update
Bharuch Police Viral Video

ભરૂચના હાંસોટ પોલીસ મથકના પોલીસ કર્મીઓનો દારૂની મહેફિલનો વિડીયો સોશિયલ મીડિયામાં વાયરલ થતા ખળભળાટ મચી જવા પામ્યો છે. હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતાર્યો હતો આ વિડીયો હાલ સોશિયલ મીડિયામાં વાયરલ થઈ ગયો છે જેમાં પોલીસકર્મીઓ ડાન્સ કરતા પણ નજરે પડી રહ્યા છે. વિડીયો વાયરલ થતાં ભરૂચ જિલ્લા પોલીસવડા મયુર ચાવડાએ તપાસના આદેશ આપ્યા છે.વાયરલ વીડિયોમાં હાંસોટ પોલીસ મથકના રાઇટર  હિતેશ પરમાર અને અન્ય પોલીસકર્મીઓ હોવાનું બહાર આવ્યું છે.

અત્રે ઉલ્લેખનીય છે કે ગતરોજ ભરૂચ હેડક્વાર્ટરમાં આવેલ વર્કશોપમાં બે પોલીસકર્મીઓ દારૂની મહેફીલ માણી રહ્યા હતા જેઓને ક્રાઈમ બ્રાન્ચે ઝડપી પાડ્યા હતા અને તેઓ વિરુદ્ધ પ્રોહીબિશન અંગેનો ગુનો દાખલ કરાવ્યો હતો ત્યારે ભરૂચમાં બે દિવસમાં પોલીસકર્મીઓની દારૂની મહેફિલના બે મામલા પ્રકાશમાં આવતા ખળભળાટ મચી જવા પામ્યો છે.
#Gujarat Police #Hansot Police Station #Hansot Police #Policemen Drinking Party #viral video #Bharuch Police