ભરૂચના જંબુસરના નોંધાણા ગામે એક જ સમાજના બે જૂથો વચ્ચે અથડામણ થઈ હતી. આ મામલામાં પોલીસે કુલ 13 આરોપીઓની ધરપકડ કરી છે તો ફાયરિંગમાં ઉપયોગમાં લેવાયેલ દેશી બનાવટની પિસ્તોલ પણ કબજે કરી છે
ભરૂચના જંબુસર તાલુકાના નોંધણા વલીપોર ગામમાં એક જ સમાજના બે જૂથો વચ્ચે કોતરવગામાં કાંટાળી વાડ તોડવા બાબતે હિંસક અથડામણ થઇ હતી.જેમાં મારક હથિયારો ઉછળવાની સાથે ગોળીબાર પણ થયો હતો. બંને જૂથના મળી ચાર લોકોને ઇજા થતાં તેમને સારવાર માટે જંબુસર ખાતે ખસેડવામાં આવ્યાં હતાં. ગોળીબારની ઘટનાની ગંભીરતા પારખી ઉચ્ચ પોલીસ અધિકારીઓએ સ્થળની મુલાકાત લીધી હતી. વેડચ પોલીસ સ્ટેશનમાં બંને પક્ષે સામસામે ફરિયાદ નોંધાવવામાં આવી હતી