• ભરૂચ શહેરમાં અનરાધાર વરસાદ

• રાત્રિથી જ ધોધમાર વરસાદ ખાબક્યો

• નીચાણવાળા અનેક વિસ્તારોમાં પાણી ભરાયા

• સેવાશ્રમ રોડ- ફાંટાતળાવ વિસ્તારમાં પાણી

ભરૂચ શહેર અને જિલ્લામાં ગતરોજ મધ્યરાત્રીના સમયથી અનરાધાર વરસાદ વરસી રહ્યો છે. ભરૂચ શહેરમાં વરસેલ 1 ઇંચ વરસાદના પગલે ઠેર ઠેર જળબંબાકારની પરિસ્થિતિનું નિર્માણ થયું છેમ નીચાણવાળા અનેક વિસ્તારોમાં પાણી ભરાયા છે ત્યારે ભરૂચના મહત્વના ગણાતા સેવાશ્રમ રોડ પર પણ પાણી ભરાઈ જતા વાહન ચાલકોએ મુશ્કેલીનો સામનો કરવાનો વારો આવ્યો હતો. ધોધમાર વરસાદ વરસતા શહેરના સેવાશ્રમ રોડ પર આ જ પ્રકારના દ્રશ્યોનું નિર્માણ થાય છે. પાણીના નિકાલની કોઈ વ્યવસ્થા ન હોવાના કારણે છે વરસાદી પાણી ભરાય જાય છે જેનો ભોગ શહેરીજનોએ બનવું પડે છે.