ભરૂચ: આમોદમાં સફાઈ અભિયાનમાં જોડાયેલ અધિકારીઓનો સ્થાનિકોએ કર્યો ઘેરાવો

આમોદ નગરપાલીકા દ્વારા આજ રોજ સવારે આમોદ સામૂહિક આરોગ્ય કેન્દ્ર ખાતે નિર્મળ ગુજરાત સ્વચ્છતા પખવાડિયા અંતર્ગત સ્વચ્છતા અભિયાનનો કાર્યક્રમ રાખવામાં આવ્યો હતો.

New Update

ભરતની આમોદ નગરપાલિકા દ્વારા નિર્મળ ગુજરાત અંતર્ગત યોજાયેલ સ્વચ્છતા અભિયાન દરમ્યાન સ્થાનિકોએ પાણીના પ્રશ્ને નગરપાલિકાના ચીફ ઓફિસર સહિતના અધિકારીઓ તેમજ પદાધિકારીઓનો ઘેરાવો કરતા વાતાવરણ ગરમાયુ હતું

આમોદ નગરપાલીકા દ્વારા આજ રોજ સવારે આમોદ સામૂહિક આરોગ્ય કેન્દ્ર ખાતે નિર્મળ ગુજરાત સ્વચ્છતા પખવાડિયા અંતર્ગત સ્વચ્છતા અભિયાનનો કાર્યક્રમ રાખવામાં આવ્યો હતો. જેમાં આમોદ નગરપાલીકાના સૌ સફાઈ કામદારો તેમજ પાલિકાના પ્રમુખ, ભાજપના ચૂંટાયેલા સદસ્યો ઉપરાંત પાલિકાના કર્મચારી સહિત મુખ્ય અધિકારી પણ હાજર રહ્યા હતા. કાર્યક્રમની શરૂઆત કરતા પહેલા જ વોર્ડ નંબર પાંચની  મહિલાઓ સહિત સ્થાનિક સદસ્યોએ તેમના પોતાના વિસ્તારમાં છેલ્લા ત્રણ દિવસથી પાણી નહી મળતું હોવાની રજૂઆત કરી પાલિકાના સદસ્યો સહિત મુખ્ય અધિકારીનો ઘેરાવો કર્યો હતો.જો કે રહીશોની ઉગ્ર રજૂઆતને પગલે પાલિકા સત્તાધીશોએ પાણી પહોંચાડવાની બાહેંધરી આપી હતી ત્યારે મામલો થાળે પડ્યો હતો
Read the Next Article

GSEB દ્વારા લેવાયેલી ધોરણ 10 (SSC)ની પૂરક પરીક્ષાનું પરિણામ જાહેર

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા જૂન-જુલાઈ 2025 દરમિયાન લેવાયેલી ધોરણ 10 (SSC)ની પૂરક પરીક્ષાનું પરિણામ આજે, (18 જુલાઈ, 2025)ના રોજ જાહેર કરવામાં આવ્યું છે

New Update
Untitled

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા જૂન-જુલાઈ 2025 દરમિયાન લેવાયેલી ધોરણ 10 (SSC)ની પૂરક પરીક્ષાનું પરિણામ આજે, (18 જુલાઈ, 2025)ના રોજ જાહેર કરવામાં આવ્યું છે.

વિદ્યાર્થીઓ gseb.org વેબસાઇટ અને વોટ્સએપ દ્વારા પોતાનું પરિણામ ચકાસી શકશે. 

અગાઉ માર્ચ મહિનામાં લેવાયેલી મુખ્ય પરીક્ષામાં જે વિદ્યાર્થીઓ એક કે તેથી વધુ વિષયમાં નપાસ થયા હતા, તેમનું શૈક્ષણિક વર્ષ બગડે નહીં તે હેતુસર આ પૂરક પરીક્ષાનું આયોજન 23 જૂન, 2025થી 3 જુલાઈ, 2025 દરમિયાન કરવામાં આવ્યું હતું.

પરિણામ જાહેર થયા બાદ, વિદ્યાર્થીઓ તેમના રોલ નંબરનો ઉપયોગ કરીને ગુજરાત બોર્ડની સત્તાવાર વેબસાઇટ gseb.org પર લોગિન કરીને પોતાનું રિઝલ્ટ જોઈ શકશે અને માર્કશીટ પણ ડાઉનલોડ કરી શકશે. આ ઉપરાંત, વોટ્સએપ દ્વારા પણ પરિણામ મેળવી શકાશે.