ભરૂચ: નવા તવરા ગામે વરઘોડામાં બેન્ડ વાગતા ભેંસ ભડકતા ધીંગાણું, બે જૂથ વચ્ચે થયેલ મારામારીનો વિડીયો વાયરલ

ભરૂચના નવા તવરા ગામે વરઘોડામાં બેન્ડના અવાજથી ભેંસો ભડકી ઉઠવા મુદ્દે એક કોમના બે જૂથ વચ્ચે ધીંગાણું સર્જાતા ૧૨ લોકોને ઈજાઓ પહોંચી જે ઘટનાનો વિડીયો સોશ્યલ મીડિયામાં વાયરલ થયો.

ભરૂચના નવા તવરા ગામની નવી વસાહતમાં રહેતા સંજય સુનીલ વસાવાના દીકરાની બાબરીનો પ્રસંગ હોવાથી ગામમાં બેન્ડ સાથે વરઘોડો કાઢવામાં આવ્યો હતો તે દરમિયાન સાંજ ૪ કલાકે રોડ વાલા ફળિયામાં અશોકભાઈ પટેલના ઘર પાસે ભેંસો અચાનક ચમકી ભાગવા જતા ત્યાં મુકેલ ટાઈલ્સ તૂટી જતા તેઓ ઉશ્કેરાઈ જઈ જાતિ વિષયક અપશબ્દો ઉચ્ચારી ઝઘડો કર્યો હતો જે ઝઘડાનું ઉપરાણું લઇ મિતેશ ભીખા પટેલ,ચિરાગ પટેલ,મનીષ પટેલ અને અન્ય ૧૮થી વધુ લોકોએ સંજય ભાઈના સંબંધીઓ ઉપર હુમલો કર્યો હતો.

આ મારામારીમાં કુલ ૧૨ લોકોને ઈજાઓ પહોંચતા તેઓને તાત્કાલિક સારવાર માટે હોસ્પીટલમાં ખસેડવામાં આવ્યા હતા.જયારે મારામારી અંગે સી ડીવીઝન પોલીસે સામસામે ફરિયાદ નોંધાઈ છે.જે ઘટનાનો વિડીયો સોશ્યલ મીડિયામાં વાયરલ થયો