ભરૂચ જિલ્લામાં સફાઈ કર્મયોગીઓનું “સલામ છે સફાઈ મિત્રને” હેઠળ પુષ્પ ગુચ્છથી સન્માન કરવામાં આવ્યું

ભરૂચ જિલ્લામાં સમાજના અનસંગ હીરો જેમના કારણે આપણે  સ્વસ્થ અને સ્વચ્છ રહી શકીએ છીએ એવા સમાજના સફાઈ કરનારા અનસંગ હીરોને બિરદાવવાનું કામ કરવામાં આવ્યું હતું.

સ્વચ્છતા હી સેવા અભિયાન અંતર્ગત આજરોજ સ્વભાવ સ્વચ્છતા સંસ્કાર સ્વચ્છતાની ઝુંબેશમાં આપણી આસપાસ કચરાની સફાઈ કરનારા સફાઈ મિત્રોને સમગ્ર જિલ્લા સહિત ભરૂચ શહેરમાં પણ જિલ્લા ગ્રામ વિકાસ એજન્સીના કર્મયોગીઓએ સફાઈના અનસંગ હીરો સાથે “સલામ છે, સફાઈ મિત્રને” હેઠળ પુષ્પ ગુચ્છ થી તેમનું સન્માન કર્યું હતું તેમજ તેમની સાથે સ્વચ્છતા સેલ્ફી પણ ખેંચાવી હતી.સ્વચ્છતા કર્મીઓની યાદગાર અને સન્માનનીય ક્ષણ બનાવવાની આ તકને સરકાર સાથે સ્થાનિકો અને કર્મયોગીઓએ પણ નિભાવી છે.

સફાઈમિત્રો સાથે સેલ્ફી દ્વારા સ્વચ્છતાનો આદર કરીએ, ચાલો સફાઈ મિત્રો તેમના મહાન યોગદાનને માન આપીએ અને સ્વચ્છતાનું સંકલ્પ પુનઃ દ્રઢ કરીએ અને સમગ્ર સમાજની સાથે આપણે સૌ પણ કહીએ સલામ છે સફાઈ મિત્રને.