Connect Gujarat
ગુજરાત

ભાવનગર: અફઘાનિસ્તાનથી પરત ફરેલા યુવાને જણાવી આપવીતી, સાંભળો એમના જ શબ્દોમાં

અફઘાનિસ્તાનથી ભાવનગરનો યુવાન પરત ફર્યો, વતન પરત આવતા જણાવી આપવીતી.

X

રોજગારી અર્થે અફઘાનિસ્તાનમાં સ્થાયી થયેલ યુવાન ભાવનગર પરત ફરતા પરિવારજનોમાં ખુશીનો માહોલ જોવા મળી રહ્યો છે. પરત આવેલ યુવાને જણાવ્યુ હતું કે પરિસ્થિતી જોતા વતન પરત આવવું ખૂબ જ મુશ્કેલ લાગી રહયું હતું.

અફઘાનિસ્તાન પર તાલિબાને કબજો મેળવ્યો છે. ત્યારે અનેક ભારતીયો પોતાના વતન પરત ફરી રહ્યા છે. ભારતે ખાસ વિમાન મોકલીને અફઘાનિસ્તાનમાં ફસાયેલા ભારતીયોને વતન પરત લાવવાનું કામ કર્યું છે ત્યારે મૂળ ભાવનગરનો યુવાન અફઘાનિસ્તાનથી પરત આવ્યો હતો આ યુવાન રોજગાર અર્થે અફઘાનિસ્તાન ગયો હતો. જે હેમખેમ પરત ફરતાં પરિવારમાં ખુશીનો માહોલ જોવા મળ્યો છે.

અફઘાનિસ્તાનથી પરત આવેલા શિવાંગ દવેએ જણાવ્યું હતું કે જ્યારે તાલિબનોએ કબ્જો કર્યો હતો ત્યારે મારી નજર સામે ઘણુબધુ જોયુ છે. એક અઠવાડિયા પહેલા કાબુલથી હું પાછો આવ્યો છું જ્યારે અફઘાનિસ્તાનમાં તાલિબાનોનો કબ્જા બાદ ઠેર-ઠેર રસ્તાઓ બ્લોક થઈ ગયા હતા. વતન પરત આવવાનું ખૂબ જ મુશ્કેલ લાગી રહ્યું હતું પરંતુ વતનમાં પગ મૂકાતા ખૂબ જ ખુશી થઈ રહી છે.

Next Story
Share it