![ભાવનગર :મહિલા પીએસઆઈ સાથે બનેલ દુષ્કર્મ કેસમાં અનેક ચોકાવનારા ખુલાસા સામે આવ્યા, જાણો સમગ્ર મામલો](https://img-cdn.thepublive.com/fit-in/640x430/filters:format(webp)/connect-gujarat/media/post_banners/34beff27a6d5e48d67aeb9572067940e485036b521cb97b929bdc420d791cd9a.jpg)
ભાવનગરના પોલીસ બેડામાં મહિલા પીએસઆઈ તરીકે ફરજ બજાવતા મહિલા પીએસઆઈ સાથે ભુજના પીએસઆઈ રાકેશ કટારાએ પોતે પરણિત હોવા છતાં તેના પત્ની સાથે અણબનાવ હોય અને તેને છૂટાછેડા આપવાની લાલચ આપી મહિલા પીએસઆઈ સાથે નીકટના સંબધો કેળવ્યા હતા. જેમાં મહિલા પીએસઆઈને રાકેશની હકીકતની જાણ થતા તેમણે આ બાબત રાકેશને કહેતા રાકેશે તેને બ્લેકમેઈલ કરી તેની પાસેથી સાડા પાંચ લાખ રૂ.ની રોકડ અને સોનાના દાગીના લઇ જઈ દુષ્કર્મ આચરતા ભાવનગર બી. ડીવીઝનમાં નોંધાયેલી ફરિયાદના આધારે પોલીસે આરોપી પીએસઆઈ ને ઝડપી લઇ તેના બે દિવસના રિમાન્ડ મેળવી આગળની કાર્યવાહી હાથ ધરી છે.
ભાવનગર શહેરમાં ભારે ચકચાર જગાવનાર અને રાજ્યના સમગ્ર પોલીસ બેડાને શર્મસાર કરતી ઘટના કે જેમાં ભુજ પોલીસ મથકમાં ફરજ બજાવતા રાકેશ કટારા નામના પીએસઆઈ એ પોતાની પત્ની સાથે અણબનાવ હોય તેવી મનઘડત કહાની બનાવી ભાવનગરના પોલીસ બેડામાં મહિલા પીએસઆઈને પોતાની પ્રેમજાળમાં ફસાવી નિકટતા કેળવી હતી. પરંતુ જયારે મહિલા પીએસઆઈને સાચી હકીકત જાણવા મળી જેમાં રાકેશ કટારાને તેની પત્ની સાથે કોઈ અણબનાવ નથી જેથી આ અંગે મહિલા પીએસઆઈએ રાકેશને વાત કરતા રાકેશે પોતાની પાસે રહેલા મેસેજ અને વિડીયો વાયરલ કરી દેવાની ચીમકી આપી તેને બ્લેકમેઈલ કરવાનું શરુ કરી તેની પાસેથી રોકડ રકમ રૂ. ૩ લાખ તેમજ પાંચ તોલા સોનું મળી કુલ સાડા પાંચ લાખ રૂ. ના મુદ્દામાલની લુંટ ચલાવી તેમજ મહિલા પીએસઆઈ સાથે દુષ્કર્મ આચરતા આ મહિલા પીએસઆઈ એ સમગ્ર ઘટનાની જાણ પોલીસ અધિક્ષક ભાવનગરને કરતા આ મહિલાની પોલીસ ફરિયાદના આધારે ભાવનગર પોલીસે ભુજના પીએસઆઈ રાકેશ કટારા ની ધરપકડ કરી હતી. ત્યારબાદ તેને કોર્ટમાં રજુ કરી બે દિવસના રિમાન્ડ મેળવી આગળની વધુ પૂછપરછ અને તપાસ હાથ ધરી છે.