ભાવનગર: ડીઝલની ચોરી કરતી આંતરરાજ્ય ગેંગના 4 સાગરીતોની પોલીસે કરી ધરપકડ

ભાવનગર પોલીસને મળી મોટી સફળતા

ડિઝલની ચોરી કરતી ગેંગ ઝડપાય

આંતરરાજ્ય ગેંગના 4 સાગરીતોની ધરપકડ

રૂ. 9 લાખથી વધુનો મુદ્દામાલ જપ્ત કરાયો

ભાવનગરની વરતેજ પોલીસે ભાવનગર સહિત મહારાષ્ટ્ર અને રાજ્યભરમાંથી ડીઝલ ચોરી કરનાર આંતરરાજ્ય ગેંગના ચાર સભ્યોને ઝડપી પાડી કાયદેસરની કાર્યવાહી હાથ ધરી છે

ભાવનગર જિલ્લામાં છેલ્લા કેટલાક દિવસથી ટ્રકમાંથી ડીઝલ ચોરી કરતી ગેંગે આતંક મચાવ્યો હતો. જેમાં વરતેજ પોલીસને મોટી સફળતા મળી છે શહેરના નારી વિસ્તારના દસનાળા નજીકથી શંકાસ્પદ હાલતમાં એક ટ્રક પસાર થતાં તેને રોકી તપાસ કરવામાં આવી હતી. જેમાં ચોરી થયેલા ડીઝલનો જથ્થો મળી આવતા પોલીસે મધ્ય પ્રદેશના ચાર શખ્સને ઝડપી લઈ પૂછતાછ કરતા ચારેય શખ્સો પોપટની માફક પોલીસ સમક્ષ બોલવા માંડયા હતા અને જિલ્લામાં સાત જગ્યાએથી 2600 લીટર ડીઝલ કરી કર્યાનું કબૂલાત કરી હતી જેના આધારે વરતેજ પોલીસે ડીઝલ ચોરી કરતી મધ્યપ્રદેશની આંતરરાજ્ય ગેંગ પાસેથી એક ટ્રક, ૨૧૮૦ લીટર ડીઝલ, ચાર બેટરી, ૬,૬૦૦ રૂપિયા રોકડા, ત્રણ મોબાઈલ ફોન મળી રૂ.૯,૩૬,૪૪૦નો મુદ્દામાલ કબજે કર્યો હતો. આ ઉપરાંત આ ગુનેગારો અગાઉ મહારાષ્ટ્ર અને ગુજરાતની બોર્ડ પર આવેલ આ હાઇવે પર ચોરીના અનેક ગુનામાં સંડોવાયા હોવાનું બહાર આવ્યું છે.