જૂનાગઢ : સક્કરબાગ ઝૂનો આશ્ચર્યમાં મૂકનારો વિડીયો વાયરલ, સિંહ-સિહણની લડાઇને પ્રવાસીઓએ મન મૂકીને માણી

જૂનાગઢના સક્કરબાગ ઝૂની અંદર પાંજરામાં સિંહ-સિંહણના મેટિંગ દરમિયાન થયેલી લડાઈનો અદભુત વીડિયો વાયરલ

New Update
જૂનાગઢ : સક્કરબાગ ઝૂનો આશ્ચર્યમાં મૂકનારો વિડીયો વાયરલ, સિંહ-સિહણની લડાઇને  પ્રવાસીઓએ મન મૂકીને માણી

જૂનાગઢનાં સક્કરબાગ ઝૂ ખાતે રાખવામાં આવેલ સિંહ- સિંહણ એક જ પાંજરામાં લડાઈ કરતા પ્રવાસીએ કેમેરામાં કેદ થયા છે. સિંહ- સિંહણની લડાઈનો અદભુત વીડિયો સોશિયલ મીડિયામાં વાઇરલ થયો છે. ગીર જંગલમાં વસતા સિંહ અને સિંહણના અનેક વીડિયો સોશિયલ મીડિયામાં વાયરલ થાય છે પરંતુ આપ જે વિડિયો જોઈ રહ્યા છો તે છે જુનાગઢ પ્રાણીસંગ્રહાલય સક્કરબાગનો. જૂનાગઢના સક્કરબાગ પ્રાણી સંગ્રહાલયની મુલાકાતે આવેલા એક પ્રવાસી મિલન દાણીધાણિયાએ પોતાના કેમેરામાં સિંહ-સિંહણની લડાઈનાં અદભુત દ્રશ્યો કેદ કરી લીધા હતા,

જેનો વીડિયો સોશિયલ મીડિયામાં વાઈરલ થયો છે. 36 સેકન્ડનો વિડીયો અદભુત દેખાઈ રહ્યો છે અને પ્રાણી સંગ્રહાલયની મુલાકાતે આવેલા પ્રવાસીઓએ પણ સિંહ સીહણની લડાઈ મન ભરીને માણી હતી. એકબીજા પર હાવી થવા માટે બન્ને સામ-સામે ત્રાડો પાડીને આખું પ્રાણી સંગ્રહાલય ગુંજવી દીધું હતું. મેટિંગ દરમિયાન સિંહ સિંહણની આવી ક્રિયાઓ સાહજિક હોવાનું ઝુ ના ફોરેસ્ટર જણાવી રહ્યા છે.

Read the Next Article

અંકલેશ્વર: GIDCના રહેણાંક વિસ્તારમાંથી 2 દિવસમાં 15 રખડતા ઢોર પકડાયા, તંત્રની ઝુંબેશ યથાવત

અંકલેશ્વર ઔદ્યોગિક વસહતના રહેણાંક વિસ્તારોમાં નોટિફાઇડ એરીયા ઓથોરીટી દ્વારા બે દિવસથી રખડતા ઢોર પકડવાની શરૂ કરવામાં આવી છે ત્યારે 2 દિવસમાં 15 થી વધુ ઢોર પકડવામાં આવ્યા છે.

New Update

અંકલેશ્વર જીઆઈડીસીમાં તંત્રની ઝુંબેશ
રસ્તે રખડતા ઢોર પકડવા કાર્યવાહી
બે દિવસમાં 15 ઢોર પકડાયા
ઢોર માલિકો સામે દંડનીય કાર્યવાહી
ઢોર પકડવાની ઝુંબેશ યથાવત રહેશે

અંકલેશ્વર ઔદ્યોગિક વસહતના રહેણાંક વિસ્તારોમાં નોટિફાઇડ એરીયા ઓથોરીટી દ્વારા બે દિવસથી રખડતા ઢોર પકડવાની શરૂ કરવામાં આવી છે ત્યારે 2 દિવસમાં 15 થી વધુ ઢોર પકડવામાં આવ્યા છે.

અંકલેશ્વર ઔદ્યોગિક વરસાદના રહેણાંક વિસ્તારમાં રખડતા ઢોરનો ત્રાસ દિન પ્રતિદિન વધી રહ્યો છે. રખડતા ઢોરના કારણે અકસ્માત સહિતના બનાવવામાં વધારો થયો હતો.આ અંગેની અનેક રજૂઆત નોટિફાઇડ એરીયા ઓથોરિટીને મળતા અંતે રખડતા ઢોર પકડવાની ઝુંબેશ શરૂ કરવામાં આવી છે. તંત્ર દ્વારા શરૂ કરાયેલ ઝુંબેશમાં છેલ્લા 2 દિવસમાં 15 થી વધુ ઢોર પકડવામાં આવ્યા હતા. નોટિફાઇડ એરીયા ઓથોરીટી દ્વારા અંકલેશ્વર જીઆઇડીસીમાં આવેલા અટલજી જોગર્સ પાર્ક, ગટટુ વિદ્યાલય સરદાર પાર્ક સહિતના વિસ્તારોમાંથી રખડતા ઢોર પકડવામાં આવ્યા હતા.આ ઝુંબેશ દરમિયાન ઢોર માલિકો સાથે ઘર્ષણ ન સર્જાય તે માટે પોલીસ બંદોબસ્ત પણ સાથે રાખવામાં આવ્યો હતો. તંત્ર દ્વારા આગામી દિવસોમાં પણ રખડતા  ઢોર પકડવાની ઝુંબેશ યથાવત રહેશે તો સાથે જ ઢોરના માલિકો સામે પણ દંડનીય કાર્યવાહી કરવામાં આવશે.