• કેશોદના એક ગામમાં રહેતી યુવતી સાથે દુષ્કર્મની ઘટના

• પરિણીત યુવકે યુવતીને ફસાવી હતી પોતાના પ્રેમજાળમાં

• યુવતીને લગ્નની લાલચ આપી વારંવાર આચર્યું દુષ્કર્મ

• પરિણીત યુવક વિરુદ્ધ કેશોદ પોલીસ મથકે નોંધાય ફરિયાદ

• યુવકને ઝડપી પાડવા પોલીસે આગળની કાર્યવાહી હાથ ધરી

જુનાગઢ જિલ્લાના કેશોદ તાલુકાના એક ગામમાં રહેતી યુવતીએ પ્રેમજાળમાં ફસાવનાર પરિણીત યુવક વિરુદ્ધ દુષ્કર્મની ફરિયાદ નોંધાવતા પોલીસે આગળની કાર્યવાહી હાથ ધરી છે.

જુનાગઢ જિલ્લાના કેશોદ તાલુકાના એક ગામમાં રહેતી યુવતીને પરિણીત યુવકે પોતાના પ્રેમજાળમાં ફસાવી હોવાનો કિસ્સો પોલીસ ચોપડે નોંધાયો છે. યુવકે યુવતીને લગ્ન કરશે એટલે તેની પત્ની છુટાછેડા આપશે તેવા પ્રલોભનો આપ્યા હતા. આ સાથે જ યુવતીને વિશ્વાસમાં લઈ તેની સાથે વારંવાર દુષ્કર્મ આચર્યું હતું.

જોકે, પરિણીત યુવક યુવતી સાથે મૈત્રી કરાર કરી પત્નીથી અલગ રહેતો હતો. સતત ડોઢ વર્ષના સમયગાળા દરમ્યાન દુષ્કર્મ આચર્યા બાદ મૈત્રી કરાર રદ કરાવી યુવતીને લગ્ન કરવાની ના પાડી દેતાં યુવતીએ પોલીસ મથકે ફરિયાદ નોંધાવી હતી. સમગ્ર મામલે પોલીસે રંગપુર ગામના પુનિત બાબરિયા વિરૂદ્ધ દુષ્કર્મનો ગુન્હોં નોંધી તેને ઝડપી પાડવા ચક્રો ગતીમાન કર્યા છે.