કચ્છ : માનકુવા નજીક કાર-ટ્રક વચ્ચે ગમખ્વાર અકસ્માત, સાંખ્યયોગી સહિત 3 મહિલાના મોત

કચ્છ જિલ્લાના ભુજ તાલુકાના માનકુવા-સુખપર વચ્ચે કાર અને ટ્રક વચ્ચે ગમખ્વાર અકસ્માત સર્જાતા સાંખ્યયોગી સહિત 3 મહિલાઓના ઘટના સ્થળે જ મોત નીપજ્યા હતા.

author-image
By Connect Gujarat in ગુજરાત સમાચાર
New Update
કચ્છ : માનકુવા નજીક કાર-ટ્રક વચ્ચે ગમખ્વાર અકસ્માત, સાંખ્યયોગી સહિત 3 મહિલાના મોત

કચ્છ જિલ્લાના ભુજ તાલુકાના માનકુવા-સુખપર વચ્ચે કાર અને ટ્રક વચ્ચે ગમખ્વાર અકસ્માત સર્જાતા સાંખ્યયોગી સહિત 3 મહિલાઓના ઘટના સ્થળે જ મોત નીપજ્યા હતા.

મળતી માહિતી અનુસાર, સુખપર ગામે સ્વામિનારાયણ મંદિરમાં શાકોત્સવ પ્રસંગબુ આયોજન કરવામાં આવ્યું હતું, ત્યારે ભારાસર ગામના સ્વામિનારાયણ મંદિરના સાંખ્યયોગી તેમજ સત્સંગી મહિલાઓ ભારાસરથી સુખપર ગામે શાકોત્સવ પ્રસંગમાં હાજરી આપી પરત ભારાસર જતાં હતા. તે દરમ્યાન ગત મોડી રાત્રે તેઓની કાર અને ટ્રક વચ્ચે ધડાકાભેર ટક્કર થઈ હતી. જેમાં કારમાં સવાર 45 વર્ષીય સાંખ્યયોગી પ્રેમીલા વરસાણી તેમજ 45 વર્ષીય સત્સંગી મહિલા સવિતા હિરાણી અને 25 વર્ષીય શિલુ વરસાણીનું ગંભીર ઇજાઓના કારણે ઘટના સ્થળે જ મોત નીપજ્યા હતા, જ્યારે 50 વર્ષીય કાર ચાલક રસીલાબેનને ફ્રેક્ચર સહિતની ઇજાઓ પહોંચતા સારવાર અર્થે નજીકની હોસ્પિટલમાં ખસેડાયા હોવાનું જાણવા મળ્યું છે. જોકે, અકસ્માત એટલો ગંભીર હતો કે, કારનો બૂકડો બોલી ગયો હતો અને ટ્રક પણ ધોરી માર્ગ પરથી બાજુમાં ડિવાઇડર તરફ ઉતરી ગયો હતો. બનાવની જાણ થતાં જ ગામ આગેવાનો અને સ્વામિનારાયણ મંદિરના અનુયાયીઓ ઘટના સ્થળે દોડી આવ્યા હતા. હાલ તો માનકુવા પોલીસે અકસ્માતમાં 3 મહિલાઓના મોત અંગે આગળની કાર્યવાહી હાથ ધરી છે.

#kutch accident #CGNews #Connet Gujarat #Death #BeyondJustNews #3 woman killed #accident between car and truck
Related Articles
Read the Next Article

ગુજરાતમાં આગામી 6 દિવસ અતિભારે વરસાદની આગાહી, રાજ્યભરમાં થશે જળબંબાકાર

રાજ્યના સૌરાષ્ટ્ર અને દક્ષિણ ગુજરાત સહિતના જિલ્લામાં ભારેથી અતિભારે વરસાદી માહોલ જામ્યો છે, ત્યારે હવામાન વિભાગે આગામી 28  જૂન સુધી રાજ્યભરમાં ધોધમાર વરસાદની આગાહી કરી છે.

author-image
By Connect Gujarat Desk | Updated On in ગુજરાત સમાચાર
New Update
rain in guj

રાજ્યના સૌરાષ્ટ્ર અને દક્ષિણ ગુજરાત સહિતના જિલ્લામાં ભારેથી અતિભારે વરસાદી માહોલ જામ્યો છે, ત્યારે હવામાન વિભાગે આગામી 28  જૂન સુધી રાજ્યભરમાં ધોધમાર વરસાદની આગાહી કરી છે.

આજે રવિવારે (22 જૂન) રાજ્યના તમામ જિલ્લામાં ઍલર્ટ જાહેર કર્યુ છે. જેમાં આજે બનાસકાંઠા, રાજકોટ, દેવભૂમિ દ્વારકા, પોરબંદર, જૂનાગઢ, નવસારી અને વલસાડ એમ 7 જિલ્લામાં રેડ ઍલર્ટ છે. ચાલો જાણીએ કયા-કેવો રહેશે વરસાદી માહોલ. 

હવામાન વિભાગની આગાહી મુજબ, આજે રવિવારે (22 જૂન) કચ્છ, મોરબી, સુરેન્દ્રનગર, જામનગર, બોટાદ, અમરેલી, ભાવનગર, ગીર સોમનાથ, અમદાવાદ, ગાંધીનગર, મહેસાણા, પાટણ, સાબરકાંઠા, મહીસાગર, અરવલ્લી, ખેડા, આણંદ, ભરૂચ, સુરત, પંચમહાલ, દાહોદ, તાપી, ડાંગ જિલ્લામાં અતિભારે વરસાદને લઈને ઑરેન્જ ઍલર્ટ જાહેર કર્યુ છે. જ્યારે વડોદરા, છોટા ઉદેપુર અને નર્મદા જિલ્લામાં યલો ઍલર્ટને લઈને ધોધમાર વરસાદ થવાની શક્યતા છે.

23 જૂને અમરેલી, ભાવનગર, નવસારી, વલસાડ, બોટાદ, અરવલ્લી, મહીસાગર, દાહોદ, વડોદરા, આણંદ, ભરૂચ, પંચમહાલ જિલ્લામાં અતિભારે અને બનાસકાંઠા, સાબરકાંઠા, તાપી, સુરત, ડાંગ, મહેસાણા, ગાંધીનગર, અમદાવાદ, સુરેન્દ્રનગર, ખેડા, રાજકોટ, ગીર સોમનાથ, જૂનાગઢ, છોટા ઉદેપુર, નર્મદા જિલ્લામાં ગાજવીજ સાથે ભારે વરસાદને લઈને યલો ઍલર્ટ જાહેર કર્યુ છે. 

24 જૂનના રોજ સૌરાષ્ટ્ર અને દક્ષિણ ગુજરાતના સહિતના 16 જિલ્લામાં મેઘગર્જના સાથે ભારેથી અતિભારે વરસાદની આગાહી છે. જેમાં અમરેલી, ભાવનગર, નવસારી, વલસાડ જિલ્લામાં ઑરેન્જ ઍલર્ટ અને રાજકોટ, જૂનાગઢ, ગીર સોમનાથ, ભરૂચ, નર્મદા, સુરત, તાપી, ડાંગ, વડોદરા, છોટા ઉદેપુર, પંચમહાલ, દાહોદ જિલ્લામાં ગાજવીજ સાથે ધોધમાર વરસાદને લઈને યલો ઍલર્ટ જાહેર કર્યુ છે.

25 જૂને અરવલ્લી, મહીસાગર, દાહોદ, પંચમહાલ, છોટા ઉદેપુર, નવસારી, વલસાડ, ભાવનગર, અમરેલી, જિલ્લામાં ઑરેન્જ ઍલર્ટ અને પોરબંદર, જૂનાગઢ, ગીર સોમનાથ, બોટાદ, આણંદ, અમદાવાદ, ગાંધીનગર, ખેડા, સાબરકાંઠા, વડોદરા, સુરત, તાપ, ડાંગ, નર્મદા અને ભરૂચ જિલ્લામાં ભારે વરસાદની આગાહી છે. જ્યારે આગામી 26 થી 28 જૂન સુધીમાં રાજ્યભરમાં ગાજવીજ સાથે ભારેથી અતિભારે વરસાદને પગલે હવામાન વિભાગે ઍલર્ટ જાહેર કર્યુ છે. 

 

#Monsoon #Gujarat #Heavy Rain