નવસારી : નકલી ચલણી નોટના કૌભાંડનો પર્દાફાશ, ચીખલીના તળાવચોરા ગામના શખ્સની ધરપકડ...

ઓરિજનલ ચલણી નોટ જેવી આબેહૂબ દેખાતી નકલી ચલણી નોટના કૌભાંડનો નવસારી જિલ્લા SOG પોલીસે પર્દાફાશ કર્યો

author-image
By Connect Gujarat in ગુજરાત સમાચાર
New Update
નવસારી : નકલી ચલણી નોટના કૌભાંડનો પર્દાફાશ, ચીખલીના તળાવચોરા ગામના શખ્સની ધરપકડ...

સ્પેશિયલ ઓપરેશન ગ્રુપને મળી મોટી સફળતા

પોલીસે નકલી ચલણી નોટના કૌભાંડનો કર્યો પર્દાફાશ

ચીખલીના તળાવચોરા ગામના શખ્સની ધરપકડ કરી

નકલી ચલણી નોટ છાપવાના સાધનો પણ જપ્ત કરાયા

પોલીસે આરોપી વિરુદ્ધ કાયદેસરની કાર્યવાહી હાથ ધરી

નવસારી જિલ્લા SOG પોલીસે નકલી ચલણી નોટના કૌભાંડનો પર્દાફાશ કર્યો છે. જેમાં ચીખલી તાલુકાના તળાવચોરા ગામના એક શખ્સની ધરપકડ કરી કાયદેસરની કાર્યવાહી હાથ ધરી છે. બેરોજગારી અને ધંધાની મંદી એ હાલના સમયની ગુનાખોરીને ખોલતી કડી બની રહી છે. જે આપણા દેશના અર્થતંત્રને પણ ખોખલું કરવામાં આગળ વધતું પરિબળ બન્યું છે, ત્યારે ઓરિજનલ ચલણી નોટ જેવી આબેહૂબ દેખાતી નકલી ચલણી નોટના કૌભાંડનો નવસારી જિલ્લા SOG પોલીસે પર્દાફાશ કર્યો છે. નવસારી જિલ્લામાં ગત વર્ષોમાં નકલી ચલણી નોટના મોટા વેપલા થયા હોવાના કિસ્સા બહાર આવ્યા હતા.

કોમ્પ્યુટરમાં ડિઝાઇનમાં માસ્ટર માઇન્ડ ગણાતા ઈસમો લાલચમાં આવીને ચલણી નોટોની ડિઝાઇન બનાવીને પ્રિન્ટ કાઢી બજારમાં નકલી નોટો ફેરવવાના ફિરાકમાં હોય પણ ક્યારેક તેમનો મનસૂબો કામયાબ થતો નથી. તેવામાં નવસારી જિલ્લા સ્પેશિયલ ઓપરેશન ગ્રુપે ચીખલી તાલુકાના તળાવચોરા ગામના સુરેશ ચૌહાણને ઝડપી લીધો છે. જેમાં નકલી ચલણી નોટ છાપવાના સાધનો સહિતના મુદ્દામાલ સાથે પોલીસે આરોપીની ધરપકડ કરી કાયદેસરની કાર્યવાહી હાથ ધરી છે.

#Navsaripolice #Navsari #Navsari SOG #નકલી ચલણી નોટ #fake currency #fake currency scam #Navsari Fake Currency Scam
Related Articles
Read the Next Article

ગુજરાતમાં મેઘરાજાની તોફાની બેટિંગથી જનજીવન બન્યું અસ્તવ્યસ્ત,ક્યાંક ઝરમર તો ક્યાંક અતિભારે વરસાદ ખાબક્યો

હવામાન વિભાગ અનુસાર બનાસકાંઠા અને સાબરકાંઠા જિલ્લામાં અતિભારે વરસાદની આગાહીને પગલે એલર્ટ તો અન્ય 16 જિલ્લામાં ભારે વરસાદ થવાનું ઓરેન્જ એલર્ટ જાહેર કર્યું

author-image
By Connect Gujarat Desk in ગુજરાત સમાચાર
New Update

  • રાજ્યમાં વરસાદની તોફાની ઈનિંગ

  • ક્યાંક મુશળધાર તો ક્યાંક ઝરમર વરસાદ

  • ઉત્તર ગુજરાતમાં સૌથી વધુ નોંધાયો વરસાદ

  • બનાસકાંઠામાં ભારે વરસાદને પગલે એલર્ટ

  • જૂનાગઢ,અમરેલીમાં પણ મુશળધાર વરસાદ 

ગુજરાત રાજ્યના વિવિધ વિસ્તારોમાં ભારે વરસાદ જોવા મળ્યો હતો. જેમાં ઉત્તર ગુજરાતમાં સૌથી વધુ વરસાદ નોંધાયો હતો.હવામાન વિભાગ અનુસાર બનાસકાંઠા અને સાબરકાંઠા જિલ્લામાં અતિભારે વરસાદની આગાહીને પગલે એલર્ટ તો અન્ય 16 જિલ્લામાં ભારે વરસાદ થવાનું ઓરેન્જ એલર્ટ જાહેર કર્યું છે.

ગુજરાત રાજ્યના હવામાન વિભાગની આગાહી અનુસાર, રવિવારે 22મી જૂન કચ્છ, પાટણ, સુરેન્દ્રનગર, અમદાવાદ,મહેસાણા, ગાંધીનગર, અરવલ્લી, મહીસાગર, દાહોદ, તાપી, નર્મદા, સુરત, ડાંગ, વલસાડ ,નવસારી અને  દાદરા અને નગર હવેલીમાં વરસાદનું ઓરેન્જ એલર્ટ જાહેર કર્યું છે, જ્યારે અન્ય જિલ્લામાં યેલો એલર્ટ છે.

હવામાનના આંકડા અનુસાર, 24 કલાકમાં સૌથી વધુ વરસાદ ખાબક્યો તેમાં ઉત્તર ગુજરાત જ મોખરે છે. જેમાં સાબરકાંઠામાં 12.2 ઈંચ, બનાસકાંઠામાં 10.3 ઈંચ, અરવલ્લીમાં 4.6 ઈંચ વરસાદ નોંધાયો હતો. આ સિવાય દક્ષિણ ગુજરાતના સુરતમાં પણ 3.3 ઈંચ વરસાદ નોંધાયો હતો.

આ ઉપરાંત 23 જૂને બનાસકાંઠા, અમરેલી, ભાવનગર, નવસારી અને વલસાડ જિલ્લામાં અતિભારે અને કચ્છ, સાબરકાંઠા, અરવલ્લી, તાપી, સુરત, ડાંગ, પાટણ, મહેસાણા, ગાંધીનગર, અમદાવાદ, સુરેન્દ્રનગર, મહીસાગર, દાહોદ, મોરબી, જામનગર, બોટાદ, ખેડા, પંચમહાલ, આણંદ, રાજકોટ જિલ્લામાં ગાજવીજ સાથે ભારે વરસાદને લઈને યલો એલર્ટ જાહેર કર્યું કરવામાં આવ્યું છે.

#ભારે વરસાદની આગાહી #monsoon 2025 #Rainfall News #Heavy rainfall #Varsad #Varsad News #હવામાન વિભાગ આગાહી #heavy rains case #heavy rains forecast