સુરેન્દ્રનગર: ચોટીલામાંથી ચોરીના સળીયાનો મોટો જથ્થો ઝડપાયો,રૂ.20 લાખનો મુદ્દામાલ જપ્ત

સુરેન્દ્રનગર જીલ્લાના ચોટીલા ખાતે પોલીસે  ચોરીના લોખંડના સળીયા સહિત રૂ.20 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

સુરેન્દ્રનગરના ચોટીલા પોલીસ સ્ટેશનનો સ્ટાફ  પેટ્રોલીંગમાં હતો તે દરમ્યાન મઘરીખડાના બોર્ડથી આગળ અમરદીપ હોટેલની સામેના ભાગે એક ટ્રેલર રજી નં GJ-12-BW-9857 બિનવારસી હાલતમાં મળી આવ્યુ હતું.પોલીસે તપાસ કરતા કોઇ ડ્રાઇવર કે કલીનર હાજર ન હોય અને  ટ્રક/ટ્રેલર અવાવરૂ જગ્યાએ બીન વારસી હાલતમાં મળી આવેલ હોય કબજો મેળવી આગળની કાયદેસરની કાર્યવાહી હાથ ધરવામાં આવી હતી.પોલીસે લોખંડના સળીયા અને ટ્રક મળી કુલ રૂપિયા 20 લાખનો મુદ્દામાલ કબ્જે કરી કાયદેસરની કાર્યવાહી હાથ ધરી છે