સુરેન્દ્રનગર: લીંબડી પોલીસ દ્વારા શહેરના અલગ અલગ વિસ્તારમાં કોમ્બિંગ હાથ ધરાયુ,અસમાજિક તત્વોમાં ફફડાટ

સુરેન્દ્રનગરના લીંબડી પોલીસ દ્વારા શહેરના અલગ અલગ વિસ્તારમાં કોમ્બિંગ હાથ ધરવામાં આવ્યું હતુ જેમાં અસમાજિક તત્વો પર તવાઈ બોલાવવામાં આવી હતી સુરેન્દ્રનગરના લીંબડી પોલીસ દ્વારા શહેરના અલગ અલગ વિસ્તારમાં કોમ્બિંગ હાથ ધરવામાં આવ્યું હતુ.શહેરના ગ્રીનચોક, શક્તિ સોસાયટી સહીતના વિસ્તારમાં પોલીસની અલગ અલગ ટીમો દ્વારા ફૂટ પેટ્રોલિંગ દ્વારા ચેકીંગની કાર્યવાહી હાથ ધરવામાં આવી હતી. અલગ અલગ વિસ્તારમાં આવેલ શંકાસ્પદ તેમજ ગુન્હાહિત ઇતિહાસ ધરાવતા લોકોના ઘરોમાંથી લાકડી, પાઇપ જેવા હથિયાર પણ કબજે કરવામાં આવ્યા હતા અને ગુનાઇત પ્રવ્રુતિમાં સંડોવાયેલા શખ્સોની પુછપરછ હાથ ધરવામાં આવી હતી.લીંબડીના Dysp સી.પી. મુંધવા સહિત સાયલા, ચોટીલા પોલીસ મથકનો કાફલો કોમ્બિંગમાં જોડાયો હતો