ગુજરાતમાં IPS અધિકારીઓના પ્રમોશનનો તખ્તો તૈયાર, નવા DGPની જાહેરાત પહેલા થઈ શકે છે મોટું એલાન..!

ચૂંટણી પહેલા ગુજરાત રાજ્યના પોલીસ બેડામાં તાજેતરમાં જ મોટા ફેરફારો થયા હતા, ત્યારે સરકારે વર્ષ 2008ની બેચના 3 IPS અધિકારીઓને DIG તરીકે પ્રમોશન આપ્યું હતું.

મળતી માહિતી અનુસાર, સમાચાર સામે આવી રહ્યા છે કે, IPS અધિકારીઓના પ્રમોશનનો તખ્તો તૈયાર કરવામાં આવ્યો છે. નવા DGPની જાહેરાત પહેલા IPS અધિકારી પ્રમોશન અપાઈ શકે છે. વર્ષ 1991થી 1995 બેચના IPS અધિકારી ને પ્રમોશન આપવામાં આવી શકે છે. જોકે, આ અંગે હજુ સુધી કોઈ સત્તાવાર જાહેરાત કરવામાં આવી નથી. ઉપરાંત 1991 બેચના શમશેર સિંહ, મનોજ અગ્રવાલ, 1992 બેચના ડો. કે.એલ.એન રાવ, 1993 બેચના નીરજા ગોટરુ, એચ.એન પટેલ, 1995 બેચના રાજુ ભાર્ગવ અને આર.બી.બ્રહ્મભટ્ટને પ્રમોશન અપાઈ શકે છે. આ અંગેની સત્તાવાર જાહેરાત ટૂંક સમયમાં થઈ શકે છે.