વલસાડ : ફાયર NOC નહીં લેનાર 3 બેન્ક સહિતની મિલ્કતોને ટાંચમાં લેવાય, પાલિકાની કામગીરથી લોકોમાં ફફડાટ...

વલસાડ શહેરમાં ફાયર NOC નહીં લેનાર મિલ્કતોને ટાંચમાં લેવા માટે નગરપાલિકા દ્વારા કામગરી હાથ ધરવામાં આવી છે, ત્યારે પાલિકાએ કેટલીક ઇમરતોને સીલ મારતા અન્ય લોકોમાં પણ ફફડાટ જોવા મળ્યો હતો.

નામદાર હાઇકોર્ટ તરફથી ગુજરાત સરકારને મળેલી સૂચના મુજબ, ફાયર NOC નહીં લેનાર મિલ્કતોને ટાંચમાં લેવાની કામગરી જોરશોરથી ચાલી રહી છે. જેને પગલે વલસાડ શહેરના મોટા બજાર સ્થિત આવેલી ફેડરલ બેંક, પંજાબ નેશનલ બેંક તેમજ તિથલ રોડ સ્થિત મહાલક્ષ્મી ટાવરમાં આવેલી બેંક ઓફ બરોડા પાસે ફાયર સેફ્ટીની NOC નહીં હોવાના કારણે પાલિકાએ આ ત્રણે બેંકોને સીલ માર્યું હતું. આ સિવાય શહેરમાં અન્ય મિલ્કતોની પણ પાલિકા દ્વારા સતત તપાસ હાથ ધરવામાં આવી રહી છે. જેમાં હોસ્પિટલો, સ્કૂલો, સહિત અન્ય બેંકો અને નવી બની રહેલી ઇમારતોનો પણ સર્વે હાથ ધરવામાં આવનાર છે. વલસાડ નગર પાલિકાની કામગરીના પગલે જે મિલકત ધારકોએ ફાયર સેફ્ટી NOC નથી મેળવી તેઓમાં ભારે ફફડાટ ફેલાયો છે.