24મી ડિસેમ્બરે ટોક્યો ઓલિમ્પિકમાં ભારતનું નામ રોશન કરનાર એથલીટ નીરજ ચોપરાનો જન્મદિવસ છે. નીરજ ચોપડાએ ટોક્યો ઓલિમ્પિકમાં ગોલ્ડ મેડલ જીત્યો હતો, ત્યારબાદ તે ગોલ્ડન બોય તરીકે ઓળખાવા લાગ્યો.
નીરજ કુમારે એથ્લેટ મેડલનું તે સપનું પૂરું કર્યું છે જેનું દેશ 121 વર્ષથી સપનું જોઈ રહ્યો હતો. તેમણે બરછી ફેંકીને દેશના આ સ્વપ્નને વાસ્તવિકતામાં ફેરવી દીધું. તે ઓલિમ્પિકમાં જાય તે પહેલા દેશને ઘણી આશાઓ હતી. જે તેણે પૂર્ણ પણ કરી હતી.
નીરજ ચોપરાનો જન્મ હરિયાણાના પાણીપત જિલ્લામાં થયો હતો. તેનો જન્મ 1997માં એક નાનકડા ગામ ખંડરામાં એક ખેડૂતના ઘરે થયો હતો. નીરજે પ્રારંભિક અભ્યાસ પાણીપતથી કર્યો હતો. પ્રારંભિક અભ્યાસ પૂર્ણ કર્યા પછી, તેણે ચંદીગઢની બીબીએ કોલેજમાં પ્રવેશ લીધો. ત્યાંથી તેણે ગ્રેજ્યુએશન કર્યું.
નીરજ બાળપણમાં ખૂબ જ જાડો હતો તેની સ્થૂળતાને કારણે તેનો પરિવાર પણ ખૂબ પરેશાન રહેતો હતો. તેથી તેના કાકા તેને 13 વર્ષની ઉંમરથી સ્ટેડિયમમાં દોડવા લઈ જવા લાગ્યા. જો કે તેનું મન દોડમાં નહોતું. પરંતુ જ્યારે તે સ્ટેડિયમ ગયો તો તેણે અન્ય ખેલાડીઓને ત્યાં બરછી ફેંકતા જોયા ત્યારબાદ તેને રમતમાં રસ પડ્યો. ત્યાંથી તેણે ભાલા ફેંક રમવાનું શરૂ કર્યું. જે બાદ તેણે ટોક્યો ઓલિમ્પિકમાં ગોલ્ડ મેડલ જીત્યો હતો.Happy Birthday Neeraj Chopra : બાળપણમાં સ્થૂળતાના કારણે મશ્કરી કરવામાં આવતી હતી, હવે દેશને ગોલ્ડન બોય પર છે ગર્વ
