ડ્રેગન ફ્રૂટ ઘટાડે છે કેન્સર જેવી અનેક બિમારીનું જોખમ, જાણો આ ફ્રૂટના લાભ અને ગેરલાભ....

ડ્રેગન ફ્રૂટને કમલમ ફળ પણ કહેવામા આવે છે. આ ફ્રૂટના ઘણા ફાયદાઓ છે. કારણ કે ડ્રેગન ફ્રૂટ પોષક તત્વોથી ભરપૂર હોય છે. ડ્રેગન ફ્રૂટનું સેવન અનેક શારીરિક સમસ્યાઓને દૂર કરવામાં મદદરૂપ થાય છે. ડ્રેગન ફ્રૂટમાં ઓમેગા 3 ફેટી એસિડ ઓમેગા 6 ફેટી એસિડ, વિટામિન સી, ફાઈબર તેમજ ઘણા એન્ટીઓક્સીડેન્ટ ગુણ હોય છે, જે સ્વાસ્થ્યની દ્રષ્ટિએ ખૂબ જ ફાયદાકારક સાબિત થાય છે. પરંતુ ડ્રેગન ફ્રુટનું વધુ પડતું સેવન સ્વાસ્થ્યને પણ નુકસાન પહોંચાડે છે.

· ડ્રેગન ફ્રુટનું સેવન કેન્સર જેવી જીવલેણ બીમારીઓનું જોખમ ઘટાડવામાં મદદરૂપ સાબિત થાય છે. કારણ કે ડ્રેગન ફ્રૂટમાં આવા ઘણા એન્ટીઓક્સીડેન્ટ ગુણ હોય છે, જે બ્રેસ્ટ કેન્સરના જોખમને ઘટાડવામાં મદદ કરે છે.

· શરીરમાં કોલેસ્ટ્રોલ વધવાને કારણે હાર્ટ એટેકનો ખતરો રહે છે. પરંતુ જો તમે કોલેસ્ટ્રોલ વધે ત્યારે ડ્રેગન ફ્રુટનું સેવન કરો છો, તો તે શરીરમાં વધતા કોલેસ્ટ્રોલના સ્તરને ઘટાડે છે.

· ડ્રેગન ફ્રુટનું સેવન પેટ માટે ખૂબ જ ફાયદાકારક સાબિત થાય છે. કારણ કે ડ્રેગન ફ્રૂટમાં ભરપૂર માત્રામાં ફાઈબર હોય છે, જે પાચનક્રિયાને સુધારે છે. આ સાથે ડ્રેગન ફ્રુટનું સેવન પાચન સંબંધી સમસ્યાઓને દૂર કરવામાં પણ મદદગાર સાબિત થાય છે.

· નબળી રોગપ્રતિકારક શક્તિને કારણે, તમે સરળતાથી કોઈપણ ચેપ અને બેક્ટેરિયાની પકડમાં આવી શકો છો. એટલા માટે તેને મજબૂત રાખવું જરૂરી છે. રોગપ્રતિકારક શક્તિને મજબૂત રાખવા માટે ડ્રેગન ફ્રુટનું સેવન ફાયદાકારક સાબિત થાય છે. કારણ કે ડ્રેગન ફ્રૂટમાં હાજર વિટામિન-સી રોગપ્રતિકારક શક્તિને મજબૂત બનાવે છે.

· ડ્રેગન ફ્રુટનું સેવન હાડકાંને સ્વસ્થ રાખવામાં ખૂબ જ મદદરૂપ સાબિત થાય છે. કારણ કે ડ્રેગન ફ્રૂટમાં સારી માત્રામાં કેલ્શિયમ અને ફોસ્ફરસ જોવા મળે છે, તેથી જો તમે ડ્રેગન ફ્રૂટનું સેવન કરો છો તો તેનાથી હાડકાં મજબૂત થાય છે.

· ડ્રેગન ફ્રુટનું વધુ સેવન કરવાથી વજન વધી શકે છે. કારણ કે તેમાં ખાંડનું પ્રમાણ જોવા મળે છે. ડ્રેગન ફ્રુટનું વધુ સેવન કરવાથી ઝાડા થઈ શકે છે.