ભારતે વિકસાવી પહેલી મેલેરિયા રસી, જાણો તે કેટલી અસરકારક છે?

એડફાલ્સીવેક્સએ એવી રસી છે જે મેલેરિયા પેદા કરનાર પરોપજીવી શરીરમાં લોહીના પ્રવાહમાં પ્રવેશ કરે તે પહેલાં જ તેને રોકી લે છે. એટલે કે, રોગના લક્ષણો દેખાવા શરૂ થાય એ પહેલાં જ રોગજનક પર નિયંત્રણ મેળવવામાં આવે છે. રસીનો બીજો મહત્વપૂર્ણ લાભ એ છે કે તે મેલેરિયાના સંક્રમણને વ્યક્તિમાંથી વ્યક્તિમાં ફેલાવા રોકે છે. એટલે કે, એડફાલ્સીવેક્સ માત્ર એક વ્યક્તિને સુરક્ષિત રાખે છે એટલું જ નહીં, પણ ટોટલ ટ્રાન્સમિશન ચેઇન તોડી પાડે છે, જે મેલેરિયાના માટે અત્યંત મહત્વપૂર્ણ પગલું છે.

કોણ બનાવી રહ્યું છે આ રસી?

ભારતીય વૈજ્ઞાનિકો અને સંસ્થાઓની સહભાગિતાથી આ રસી તૈયાર કરવામાં આવી છે. ભારતીય વૈજ્ઞાનિક સંસ્થા ICMR (ઇન્ડિયન કાઉન્સિલ ઓફ મેડિકલ રિસર્ચ) દ્વારા પાંચ ફાર્મા કંપનીઓને એડફાલ્સીવેક્સનું ઉત્પાદન કરવાની મંજૂરી આપવામાં આવી છે. આ કંપનીઓમાં સામેલ છે.

• ઇન્ડિયન ઇમ્યુનોલોજિકલ લિમિટેડ

• ટેકઇન્વેન્શન લાઇફકેર પ્રાઇવેટ લિમિટેડ

• પેનેસીઆ બાયોટેક લિમિટેડ

• બાયોલોજિકલ ઈ લિમિટેડ

• ઝાયડસ લાઇફસાયન્સ

આ તમામ કંપનીઓ હવે આ રસીનું વ્યાપક ઉત્પાદન કરશે. માનવ પરીક્ષણો પૂર્ણ થયા પછી, દેશભરમાં તેનો ઉપયોગ શરૂ કરવામાં આવશે. જો આ રસી સફળ રહે છે તો ભારત 2030 સુધીમાં મેલેરિયા મુક્ત દેશ બનવા તરફ આગળ વધી શકે છે, તેવી ડોકટરો અને વૈજ્ઞાનિકોની અપેક્ષા છે.