મધ્યપ્રદેશના બેતુલ જિલ્લામાં એક મોટી દુર્ઘટના, વેસ્ટર્ન કોલફિલ્ડ્સ લિમિટેડની કોલસા ખાણમાં છતનો એક ભાગ તૂટી પડતાં ત્રણ લોકોના મોત

મધ્યપ્રદેશના બેતુલ જિલ્લામાં એક મોટી દુર્ઘટના બની છે. વિગતો મુજબ અહીં વેસ્ટર્ન કોલફિલ્ડ્સ લિમિટેડની કોલસા ખાણમાં છતનો એક ભાગ તૂટી પડતાં ત્રણ લોકોના મોત થયા હતા. પોલીસ અને બચાવ ટીમો ઘટનાસ્થળે પહોંચી ગઈ છે. કાટમાળ નીચે દટાયેલા લોકોને બચાવવાના પ્રયાસો ચાલી રહ્યા છે. એવું કહેવામાં આવી રહ્યું છે કે, કોલસા ખાણના એક ફેઝનો સ્લેબ અચાનક તૂટી પડ્યો. બેતુલના SP નિશ્ચલ ઝરિયાના જણાવ્યા અનુસાર, શિફ્ટ ઇન્ચાર્જ ગોવિંદ, ઓવર મેન હરિ ચૌહાણ અને માઇનિંગ સરદાર રામદેવ પંડૌલે અકસ્માતમાં જીવ ગુમાવ્યા છે. 

મધ્યપ્રદેશના બેતુલ જિલ્લામાં WCLની છતરપુર-1 કોલસા ખાણમાં શુક્રવારે એક મોટી દુર્ઘટના બની હતી. ખાણમાં એક ફેઝનો સ્લેબ અચાનક તૂટી પડતાં ઘણા કામદારો કાટમાળ નીચે દટાઈ ગયા હતા. આ અકસ્માતમાં ત્રણ લોકોના મોત થયા છે. માહિતી મળતા જ બચાવ ટીમ, SDRF અને પોલીસ ટીમ તાત્કાલિક ઘટનાસ્થળે પહોંચી ગઈ. બચાવ ટીમ ખાણમાં પ્રવેશી ગઈ છે અને રાહત અને બચાવ કામગીરી શરૂ કરી દીધી છે. કાટમાળ નીચે ફસાયેલા કામદારોને સુરક્ષિત રીતે બહાર કાઢવાના પ્રયાસો ચાલી રહ્યા છે.