મહારાષ્ટ્રના પૂણેમાં પુલ ધરાશાયી થતાં આશરે 30 લોકો નદીમાં તણાયા હોવાની સંભાવના, બે મૃતદેહ મળ્યા

અનરાધાર વરસાદના કારણે પૂણેની ઈન્દ્રાયણી નદી પર આવેલો પુલ તૂટી પડ્યો છે. આ દુર્ઘટનામાં 25થી 30 લોકો તણાયા હોવાની સંભાવના વ્યક્ત કરવામાં આવી

author-image
By Connect Gujarat Desk | Updated On in દેશ સમાચાર
New Update
Pune Bridge collapses

મહારાષ્ટ્રમાં અનરાધાર વરસાદના કારણે પૂણેની Indrayani River પર આવેલો પુલ તૂટી પડ્યો છે. આ દુર્ઘટનામાં 25થી 30 લોકો તણાયા હોવાની સંભાવના વ્યક્ત કરવામાં આવી છે.

પૂણે ગ્રામીણ વિસ્તાર કુંદમાલામાં ભારે વરસાદના કારણે ઈન્દ્રાયણી નદી પર બનેલો પુલ ધરાશાયી થયો હતો. જેમાં 25થી 30 પ્રવાસીઓ તણાયા હોવાની માહિતી મળી છે. તમામ પુલ પર ઉપસ્થિત હતા. આ ઘટના પૂણેના માવલ તાલુકાની છે. અહીંનું કુંદમાલા તેના કુદરતી સૌંદર્યના કારણે પ્રચલિત પ્રવાસન સ્થળ છે.

પોલીસ, ફાયર બ્રિગેડ, એનડીઆરએફ અને સ્થાનિકોએ બચાવ કામગીરી હાથ ધરી છે. જેમાં પાંચથી છ લોકોને બચાવી લેવામાં આવ્યા હોવાના અહેવાલો મળ્યા છે. માવલ વિસ્તારમાં છેલ્લા બે દિવસથી વરસાદ વરસી રહ્યો છે. તેમાં આજે રવિવાર હોવાના કારણે પ્રવાસીઓની ભીડ વધુ હતી. ઈન્દ્રાયણી નદીમાં જળસ્તર વધ્યું હોવાથી આસપાસના લોકો દ્રશ્ય નિહાળવા આવ્યા હતા. પરંતુ અચાનક પુલ તૂટી પડતા લોકો તણાયા હતા.

કુંદમાલાના એક કિનારેથી બીજા કિનારે જવા માટે બનેલો પુલ અત્યંત જૂનો હતો. જે જર્જરિત હાલતમાં હોવાથી છેલ્લા બે-ત્રણ મહિનાથી તેના પર વાહન વ્યવહાર બંધ કરવામાં આવ્યો હતો. જો કે, રવિવાર તેમજ વરસાદના માહોલમાં કુદરતી રમણીય દ્રશ્ય નિહાળવા માટે મોટી સંખ્યામાં ભીડ ઉમટી પડી હતી. બપોરે અચાનક પુલ તૂટી પડ્યો હતો.

#Indrayani River #Pune Bridge collapses #Bridge collapses
Related Articles
Read the Next Article

આગામી 5 દિવસ સુધી દેશના ઘણા વિસ્તારોમાં ભારેથી અતિ ભારે વરસાદની હવામાન વિભાગ દ્વારા આગાહી

આગામી 5 દિવસ સુધી દેશના ઘણા વિસ્તારોમાં ભારેથી અતિ ભારે વરસાદની આગાહી છે. હવામાન વિભાગ (IMD) એ આગાહી કરી છે કે આગામી દિવસોમાં ઉત્તરપૂર્વ ભારત,

author-image
By Connect Gujarat Desk in દેશ Featured
New Update
varsad

આગામી 5 દિવસ સુધી દેશના ઘણા વિસ્તારોમાં ભારેથી અતિ ભારે વરસાદની આગાહી છે. હવામાન વિભાગ (IMD) એ આગાહી કરી છે કે આગામી દિવસોમાં ઉત્તરપૂર્વ ભારત, ગુજરાત, ઉત્તર કોંકણ, મધ્ય મહારાષ્ટ્રમાં અલગ અલગ સ્થળોએ ખૂબ જ ભારે વરસાદ પડી શકે છે.

પશ્ચિમ બંગાળ, ઝારખંડ, ઓડિશાના ગંગાના મેદાનોમાં ખૂબ જ ભારે વરસાદ પડી શકે છે. ઉત્તરપૂર્વ ભારતની વાત કરીએ તો, આસામ-મેઘાલય-અરુણાચલ પ્રદેશમાં આગામી 7 દિવસ દરમિયાન ભારે વરસાદ પડવાની સંભાવના છે. 

દક્ષિણપશ્ચિમ ચોમાસું બિહાર અને પૂર્વ ઉત્તર પ્રદેશ અને મધ્યપ્રદેશના બાકીના ભાગો, પશ્ચિમ ઉત્તર પ્રદેશના કેટલાક ભાગો, ઉત્તરાખંડના મોટાભાગના ભાગો, હિમાચલ પ્રદેશના ઘણા ભાગો અને લદ્દાખના કેટલાક ભાગોમાં આગળ વધી ગયું છે. આગામી 2 દિવસ દરમિયાન ઉત્તર અરબી સમુદ્રના બાકીના ભાગો, રાજસ્થાનના કેટલાક ભાગો, પશ્ચિમ ઉત્તર પ્રદેશ, ઉત્તરાખંડ, હિમાચલ પ્રદેશના બાકીના ભાગો અને જમ્મુ-કાશ્મીરના કેટલાક ભાગો લદ્દાખના કેટલાક ભાગોમાં દક્ષિણપશ્ચિમ ચોમાસાના આગળ વધવા માટે પરિસ્થિતિઓ અનુકૂળ છે. આગામી 2 દિવસ દરમિયાન પંજાબ અને હરિયાણા, ચંદીગઢ અને દિલ્હીના કેટલાક ભાગોમાં વરસાદ પડી શકે છે.
ભારતીય હવામાન વિભાગે આગામી દિવસોમાં ઉત્તર-પશ્ચિમ ભારતના ઘણા રાજ્યોમાં વરસાદની આગાહી કરી છે. હવામાન વિભાગના જણાવ્યા અનુસાર, 20 થી 25 જૂન દરમિયાન ઉત્તરાખંડ, ઉત્તર પ્રદેશ, પૂર્વ રાજસ્થાનમાં વિવિધ સ્થળોએ ભારે વરસાદની સંભાવના છે. 21 થી 25 જૂન દરમિયાન હિમાચલ પ્રદેશ, પંજાબમાં ભારે વરસાદ પડી શકે છે. જ્યારે હરિયાણા, ચંદીગઢમાં વાવાઝોડા સાથે ભારે વરસાદની સંભાવના છે. 20 અને 21 જૂને પૂર્વી ઉત્તર પ્રદેશમાં ખૂબ જ ભારે વરસાદની સંભાવના છે.