કાશ્મીરમાં કોલ્ડવેવની સ્થિતિ વધુ ગંભીર, શ્રીનગરમાં રાત્રે લઘુત્તમ તાપમાન માઈનસ 3.2 ડિગ્રી સેલ્સિયસ નોંધાયું

કાશ્મીરમાં કોલ્ડવેવની સ્થિતિ વધુ ગંભીર બની હતી. ખીણમાં લઘુત્તમ તાપમાન શૂન્યથી અનેક ડિગ્રી સેલ્સિયસ નીચે ગયું હતું. હવામાન વિભાગના અધિકારીઓએ આ માહિતી આપી હતી. હવામાન વિભાગે જણાવ્યું કે શ્રીનગરમાં રવિવારે રાત્રે લઘુત્તમ તાપમાન માઈનસ 3.2 ડિગ્રી સેલ્સિયસ નોંધાયું હતું, જ્યારે શનિવારે રાત્રે તે માઈનસ 0.9 ડિગ્રી સેલ્સિયસ હતું. 

દક્ષિણ કાશ્મીરમાં વાર્ષિક અમરનાથ યાત્રાના બેઝ કેમ્પ પૈકીના એક પહેલગામમાં શનિવારે રાત્રે લઘુત્તમ તાપમાન માઈનસ 6.4 ડિગ્રી સેલ્સિયસ નોંધાયું હતું, જે શનિવારે રાત્રે માઈનસ 3 ડિગ્રી સેલ્સિયસ હતું, એમ સ્થાનિક હવામાન વિભાગે જણાવ્યું હતું.

હવામાન વિભાગના જણાવ્યા અનુસાર ઉત્તર કાશ્મીરના પર્યટન સ્થળ ગુલમર્ગમાં લઘુત્તમ તાપમાન માઈનસ 5.4 ડિગ્રી સેલ્સિયસ નોંધાયું હતું. કાઝીગુંડમાં લઘુત્તમ તાપમાન માઈનસ ત્રણ ડિગ્રી, પમ્પોર નગરના કોનીબલમાં માઈનસ પાંચ ડિગ્રી, કુપવાડામાં માઈનસ 1.4 ડિગ્રી સેલ્સિયસ અને કોકરનાગમાં માઈનસ 2.4 ડિગ્રી સેલ્સિયસ હતું.