કેરળમાં કોરોનાનો કહેર યથાવત; આજે 32 હજારથી વધુ નવા કેસ નોંધાયા, 173 દર્દીઓના મોત
કેરળમાં કોરોનાનો કહેર યથાવત છે. આરોગ્ય વિભાગ દ્વારા સાંજે 6 વાગ્યે બહાર પાડવામાં આવેલા આંકડા મુજબ, છેલ્લા 24 કલાકમાં 32803 દર્દીઓ કોરોનાથી સંક્રમિત થયા છે અને 173 દર્દીઓના મોત થયા છે. જ્યારે સંક્રમિત 21,610 સ્વસ્થ થયા છે. રાજ્યમાં અત્યાર સુધીમાં 38,38,614 દર્દીઓ સાજા થયા છે અને 20,961 દર્દીઓના મોત થયા છે. હાલ કેરળમાં 2,29,912 દર્દીઓની સારવાર ચાલી રહી છે. નવા કેસ પછી, સંક્રમિતોની કુલ સંખ્યા વધીને 40,90,036 થઈ ગઈ છે.
આરોગ્ય વિભાગના જણાવ્યા અનુસાર, છેલ્લા 24 કલાકમાં 1,74,854 કોરોના ટેસ્ટ કરવામાં આવ્યા હતા. આ પછી સંક્રમણનો દર 18.76 ટકા થયો છે. જણાવી દઈએ કે મંગળવારે રાજ્યમાં 30,203 દર્દીઓ કોરોનાથી સંક્રમિત હતા. અગાઉ સોમવારે 19,622, રવિવારે 29,836, શનિવારે 31,265, શુક્રવારે 32,801, ગુરુવારે 30,007, બુધવારે 31,445, મંગળવારે 24,296 અને સોમવારે 13,383 હતા.
રાજ્યના 14 જિલ્લાઓમાં, ત્રિશૂરમાં સૌથી વધુ 4,425 કેસ નોંધાયા છે, ત્યારબાદ એર્નાકુલમમાં 4,324, કોઝિકોડમાં 3,251, મલપ્પુરમમાં 3,099, કોલ્લમમાં 2,663, તિરુવનંતપુરમમાં 2,579, પલક્કડમાં 2,309, કોટ્ટેમાં 2,263 કેસો નોંધાયા છે.
નવા કેસોમાંથી 108 આરોગ્ય કર્મચારીઓ, રાજ્યની બહારના 154 દર્દીઓ અને સંક્રમિતના સંપર્કમાં આવેલા 1,380 લોકો હતા. જ્યારે 1,161 કેસોમાં કોઈ સ્પષ્ટ કારણો નહોતા.
