ઈ-કોમર્સ કંપની બ્લિંકિટે ગુરુગ્રામમાં શરૂ કરી તાત્કાલિક એમ્બ્યુલન્સ સેવા, માત્ર 10 મિનિટમાં થશે સેવા ઉપલબ્ધ

ક્વિક કોમર્સ સર્વિસ પ્લેટફોર્મ બ્લિંકિટે એક નવી અને મહત્વપૂર્ણ સેવા શરૂ કરી છે. હવે બ્લિંકિટ દ્વારા ગુરુગ્રામમાં માત્ર 10 મિનિટમાં એમ્બ્યુલન્સ સેવા ઉપલબ્ધ થશે. આ સેવા દ્વારા તાત્કાલિક તબીબી સહાયની જરૂરિયાતવાળા લોકોને ખૂબ જ મદદ મળશે.

બ્લિંકિટના ચીફ એક્ઝિક્યુટિવ ઓફિસર (CEO) અલબિંદર ધિંડસાએ સોશિયલ મીડિયા પર આ માહિતી આપી હતી. તેમણે જણાવ્યું હતું કે કંપનીએ શરૂઆતમાં ગુરુગ્રામમાં પાંચ એમ્બ્યુલન્સ શરૂ કરી છે અને ભવિષ્યમાં આ સેવાનો વિસ્તાર અન્ય વિસ્તારોમાં પણ કરવામાં આવશે

ધીંડસાએ પોતાની પોસ્ટમાં લખ્યું હતું કે, "આજથી ગુરુગ્રામના રસ્તાઓ પર પાંચ એમ્બ્યુલન્સ હશે. જેમ જેમ અમે આ સેવાને અન્ય વિસ્તારોમાં વિસ્તારીએ છીએ, તેમ તમને @letsblinkit એપ્લિકેશન દ્વારા બેઝિક લાઇફ સપોર્ટ (BLS) એમ્બ્યુલન્સ બુક કરવાનો વિકલ્પ પણ જોવા મળશે." એટલે કે, બ્લિંકિટની એપ દ્વારા જ એમ્બ્યુલન્સ બુક કરી શકાશે.