પશ્ચિમ બંગાળના કોલકાતામાં દુર્ગાપૂજા પૂર્વે ભારે વરસાદ, 7 લોકોના મોત

દેશના અનેક રાજ્યોમાં વરસાદ પડી રહ્યો છે. જેમાં પશ્ચિમ બંગાળમાં દુર્ગાપૂજા પૂર્વે કોલકાતામાં ભારે વરસાદને કારણે જનજીવનને ભારે અસર થઈ છે.

પશ્ચિમ બંગાળની રાજધાની કોલકાતા અને તેની આસપાસના જિલ્લાઓમાં સોમવાર રાત્રિથી મંગળવાર સવાર સુધી થયેલા ભારે વરસાદને કારણે જનજીવન અસ્તવ્યસ્ત થઈ ગયું છે. જળભરાવમાં વીજળીનો કરંટ ઉતરતા 7 લોકોના મોત થયા છે. કોલકાતા અને હાવડામાં ઘણા વિસ્તારોમાં ઘૂંટણ સુધી પાણી ભરાઈ ગયું છે, જેના કારણે રસ્તા, ટ્રેન અને મેટ્રો સેવાઓ પણ ઠપ થઈ ગઈ છે.

ક્રૂ મેમ્બર અને પાયલટને મોડું થવાથી વિમાન સેવાઓ પણ પ્રભાવિત થઈ છે. કોલકાતાના મેયર ફિરહાદ હકીમના જણાવ્યા અનુસાર, છેલ્લા ચાર દાયકામાં સપ્ટેમ્બર મહિનામાં અત્યાર સુધીનો સૌથી વધુ 300 મિલીમીટર વરસાદ નોંધાયો છે.

કોલકાતાના ઘણા વિસ્તારો જળમગ્ન છે. હાવડાના રેલવે યાર્ડમાં પણ વરસાદી પાણી ઘૂસી ગયું છે. આ વરસાદની અસર દુર્ગા પૂજાના પંડાલની તૈયારીઓ પર પણ થઈ છે.

મધ્યરાત્રિ પછી સતત પાંચ કલાક સુધી થયેલા ભારે વરસાદને કારણે રસ્તાઓ પર પાણી ભરાઈ ગયા અને કોલકાતાના ઘણા ઘરો અને રહેણાંક સોસાયટીઓમાં પણ પાણી ઘૂસી ગયું. શહેરમાં હજુ વધુ વરસાદ થવાની શક્યતા છે.

IMDએ કહ્યું કે બંગાળની ખાડીના ઉત્તર-પૂર્વમાં એક ઓછું દબાણનું ક્ષેત્ર બન્યું છે અને તેના ઉત્તર-પશ્ચિમ તરફ આગળ વધવાની સંભાવના છે, જેના કારણે દક્ષિણ બંગાળના કેટલાક જિલ્લાઓમાં હળવાથી મધ્યમ વરસાદની સાથે ભારેથી અતિભારે વરસાદ થઈ શકે છે.

વિભાગે જણાવ્યું કે બુધવાર સુધીમાં દક્ષિણ બંગાળના પૂર્વ મેદિનીપુર અને પશ્ચિમ મેદિનીપુર, દક્ષિણ 24 પરગણા, ઝારગ્રામ અને બાંકુરા જિલ્લામાં ભારે વરસાદ થવાની સંભાવના છે. 25 સપ્ટેમ્બરની આસપાસ પૂર્વ-મધ્ય અને તેની આસપાસની ઉત્તરી બંગાળની ખાડીમાં એક વધુ નવું ઓછું દબાણનું ક્ષેત્ર બનવાની સંભાવના છે.

હવામાન વિભાગની આગાહીથી કોલકાતાના લોકોની મુશ્કેલી વધી છે, કારણ કે શહેરમાં હજુ વધુ વરસાદની શક્યતા છે. બંગાળની ખાડીમાં સર્જાયેલા લૉ-પ્રેશર એરિયાને કારણે દક્ષિણ બંગાળના ઘણા જિલ્લાઓમાં ભારે વરસાદ થવાનો અંદાજ છે.

કોલકાતા મ્યુનિસિપલ કોર્પોરેશનના જણાવ્યા અનુસાર, દક્ષિણ અને પૂર્વ ભાગોમાં વરસાદની તીવ્રતા વધુ હતી, જ્યાં ગરિયા કામદારીમાં 332 મિલીમીટર અને જોધપુર પાર્કમાં 285 મિલીમીટર જેટલો ભારે વરસાદ નોંધાયો છે. આ ઉપરાંત, કાલીઘાટમાં 280 મિલીમીટર અને તોપસિયામાં 275 મિલીમીટર જેવો ભારે વરસાદ થયો.

IMDના મતે, બંગાળની ખાડીના ઉત્તર-પૂર્વમાં એક ઓછું દબાણનું ક્ષેત્ર બન્યું છે, જે ઉત્તર-પશ્ચિમ તરફ આગળ વધે તેવી શક્યતા છે. આને કારણે, દક્ષિણ બંગાળના કેટલાક જિલ્લાઓમાં હળવાથી મધ્યમ અને ભારેથી અતિભારે વરસાદ થઈ શકે છે.

હવામાન વિભાગે જણાવ્યું છે કે બુધવાર સુધીમાં પૂર્વ અને પશ્ચિમ મેદિનીપુર, દક્ષિણ 24 પરગણા, ઝારગ્રામ અને બાંકુરા જિલ્લામાં ભારે વરસાદ થવાની સંભાવના છે. વધુમાં, 25 સપ્ટેમ્બરની આસપાસ પૂર્વ-મધ્ય અને ઉત્તરી બંગાળની ખાડીમાં વધુ એક નવું ઓછું દબાણનું ક્ષેત્ર બનવાની સંભાવના છે.