જમ્મુ કશ્મીર વિધાનસભા ચૂંટણી ,PDP ચીફ મહેબૂબા મુફ્તી નહીં લડે ચૂંટણી

જમ્મુ-કાશ્મીર પીપલ્સ ડેમોક્રેટિક પાર્ટીએ 17 સીટ માટે ઉમેદવારોની બીજી યાદી જાહેર કરી દીધી છે. અગાઉ 22 ઓગસ્ટે 8 ઉમેદવારની યાદી બહાર પાડી હતી. પાર્ટી ચીફ મહેબૂબા મુફ્તીની પુત્રી ઇલ્તિજાનું નામ પણ એમાં હતું.બીજી યાદી જાહેર થયાના થોડા સમય બાદ મહેબૂબાએ વિધાનસભા ચૂંટણી ન લડવાની જાહેરાત કરી હતી.

મહેબૂબા આ વર્ષે થયેલી લોકસભા ચૂંટણીમાં અનંતનાગથી મેદાનમાં હતા, પરંતુ તેમને હારનો સામનો કરવો પડ્યો હતો.જમ્મુ-કાશ્મીરમાં 18 સપ્ટેમ્બરે પ્રથમ તબક્કાનું મતદાન થશે. 27 ઓગસ્ટ ઉમેદવારીપત્ર ભરવાની છેલ્લી તારીખ હતી. ચૂંટણીપંચના જણાવ્યા અનુસાર, સાત જિલ્લાની 24 વિધાનસભા બેઠક પર 279 ઉમેદવારે તેમના ઉમેદવારીપત્રો ભર્યા છે.