તૃણમૂલ TMCના બૂથ અધ્યક્ષ રાજકુમાર મન્નાના ઘરે મોડી રાત્રે થયો વિસ્ફોટ, ત્રણ લોકોના મોત

પશ્ચિમ બંગાળના પૂર્વ મેદિનીપુર જિલ્લાના અર્જુન નગરમાં તૃણમૂલ TMCના બૂથ અધ્યક્ષ રાજકુમાર મન્નાના ઘરે શુક્રવારે મોડી રાત્રે વિસ્ફોટ થયો હતો. આ ઘટનામાં ત્રણ લોકોના મોત થયા છે, જ્યારે બે લોકો ગંભીર રીતે ઘાયલ થયા છે. વિસ્ફોટ એટલો જોરદાર હતો કે આખું ઘર ધરાશાયી થઈ ગયું. અકસ્માતની જાણ થતાં પહોંચેલી પોલીસે ત્રણેય મૃતદેહોનો કબજો મેળવીને પોસ્ટમોર્ટમ માટે મોકલી આપ્યો હતો, જ્યારે ગંભીર રીતે ઘવાયેલા બંને લોકોને હોસ્પિટલમાં દાખલ કરવામાં આવ્યા હતા. પોલીસ ઘટનાની તપાસમાં લાગેલી છે.

તમને જણાવી દઈએ કે, આજે પૂર્વ મેદિનીપુર જિલ્લાના કાંઠીમાં TMCના રાષ્ટ્રીય મહાસચિવ અભિષેક બેનર્જીની બેઠક છે. બેઠક પહેલા શુક્રવારે મોડી રાત્રે બૂથ પ્રમુખ રાજકુમાર મન્નાના ઘરમાં વિસ્ફોટ થયો હતો. આ અકસ્માતમાં બૂથ પ્રમુખ રાજકુમાર મન્ના સહિત ત્રણ લોકોના મોત થયા છે, જ્યારે બે ગંભીર રીતે ઘાયલ થયા છે. વિસ્ફોટનો અવાજ સાંભળીને આસપાસના લોકો ઘટના સ્થળે પહોંચી ગયા હતા. લોકોએ આ અંગે ભૂપતિનગર પોલીસ સ્ટેશનને જાણ કરી હતી.