શ્રી રામ જન્મભૂમિ તીર્થ ક્ષેત્ર ટ્રસ્ટના અધ્યક્ષ મહંત નૃત્ય ગોપાલ દાસની તબિયત લથડી

શ્રી રામ જન્મભૂમિ તીર્થ ક્ષેત્ર ટ્રસ્ટના અધ્યક્ષ મહંત નૃત્ય ગોપાલ દાસની તબિયત રવિવારે અચાનક બગડી ગઈ. આ પછી જિલ્લા હોસ્પિટલના ડોક્ટરોની ટીમે મહંત નૃત્ય ગોપાલ દાસનું મેડિકલ ચેકઅપ કર્યું. મહંત નૃત્ય ગોપાલ દાસ (82) ને શ્વાસ લેવામાં તકલીફ પડી રહી છે.અયોધ્યામાં રામ મંદિર વિવાદના સમયથી અત્યંત સક્રિય મહંત નૃત્ય ગોપાલ દાસની તબિયત રવિવારે અચાનક બગડી ગઈ છે.

શ્વાસ લેવામાં તકલીફ થવાને કારણે તેમને લખનૌની મેદાંતા હોસ્પિટલમાં દાખલ કરવાની તૈયારી ચાલી રહી છે. મેદાંતા હોસ્પિટલના ડિરેક્ટર રાજીવ કપૂર તેમની તપાસ માટે અયોધ્યા પહોંચ્યા છે. શ્રી રામ જન્મભૂમિ ટ્રસ્ટના પ્રમુખ મહંત નૃત્ય ગોપાલ દાસને અયોધ્યાથી લખનૌની મેદાંતા હોસ્પિટલમાં લાવવામાં આવી રહ્યા છે.