કાશ્મીરના બડગામમાં મોટી દુર્ઘટના, BSF જવાનની એક બસ ખીણમાં ખાબકી

કાશ્મીરના બડગામમાં મોટી દુર્ઘટના થઈ છે. જિલ્લાના વોટરહોલ વિસ્તારમાં ચૂંટણી ફરજમાં રોકાયેલી એક બસ ખીણમાં પડી ગઈ, જેમાં BSFના ઘણા જવાનો ઘાયલ થયા છે. આ અકસ્માત ત્યારે થયો જ્યારે 36 BSF (બોર્ડર સિક્યુરિટી ફોર્સ) જવાનોને લઈ જતી એક બસ ખડક પરથી ઉતરી ગઈ. બસ સંપૂર્ણપણે ક્ષતિગ્રસ્ત થઈ ગઈ અને વોટરહોલ જિલ્લાની નજીક બ્રેલ ગામમાં નાળામાં પડી ગઈ.

BSFના PRO એ અકસ્માતમાં ત્રણ BSF જવાનોના મૃત્યુની પુષ્ટિ કરી છે. અકસ્માત સ્થળે બચાવ કામગીરી શરૂ કરવામાં આવી છે. ઘાયલોને ખાનસાહેબ અને બડગામ હોસ્પિટલમાં દાખલ કરવામાં આવ્યા છે. આ બસ બીજા તબક્કાની ચૂંટણી માટે દક્ષિણ કાશ્મીરના પુલવામાથી બડગામ આવી રહી હતી, ત્યારે જ આ દુર્ઘટના થઈ. જમ્મુ કાશ્મીરમાં 25 સપ્ટેમ્બરે બીજા તબક્કા હેઠળ 26 વિધાનસભા બેઠકો પર મતદાન થવાનું છે. બસમાં સવાર 35 BSF જવાનોમાંથી છ ગંભીર રીતે ઘાયલ થયા છે.