પીએમ મોદી બે દિવસના યુએઈ પ્રવાસે, સ્ટેડિયમમાં પહોંચતા જ મોદી-મોદીના લાગ્યા નારા

પીએમ મોદી બે દિવસના યુએઈ પ્રવાસે છે. વડાપ્રધાન નરેન્દ્ર મોદી ભારતીય સમુદાય વચ્ચે 'અહલાન મોદી' કાર્યક્રમમાં પહોંચ્યા હતા. ઝાયેદ સિટી સ્પોર્ટ્સ સ્ટેડિયમમાં સંબોધતા તેમણે કહ્યું કે, આજે તમે લોકોએ અબુ ધાબીમાં નવો ઈતિહાસ રચ્યો છે. તમે લોકો UAE ના દરેક ખૂણેથી અને ભારતના વિવિધ રાજ્યોમાંથી પણ આવ્યા છો. પરંતુ, દરેકના હૃદય જોડાયેલા છે. આ ઐતિહાસિક સ્ટેડિયમની દરેક ધડકન કહી રહી છે કે, ભારત-યુએઈ મિત્રતા અમર રહે.

• પીએમ મોદીએ કહ્યું કે, આજે હું મારા પરિવારને મળવા આવ્યો છું.પીએમ મોદીએ કહ્યું કે આ મારી UAEની 7મી મુલાકાત છે. દરેક હૃદયની ધડકન કહી રહી છે કે ભારત-યુએઈની મિત્રતા દીર્ઘકાલીન છે. આજે ભાઈ શેખ મોહમ્મદ બિન ઝાયેદ અલ નાહયાન પણ મને રિસીવ કરવા એરપોર્ટ પર આવ્યા હતા. આજે પણ તેની હૂંફ એવી જ હતી જેવી તે પહેલીવાર આવી હતી ત્યારે હતી. આ જ તેમને ખાસ બનાવે છે. મને ખુશી છે કે અમને ભારતમાં ચાર વખત તેમનું સ્વાગત કરવાની તક પણ મળી. જ્યારે તેઓ ગુજરાતમાં આવ્યા ત્યારે રસ્તાની બંને બાજુ લાખો લોકો એકઠા થઈ ગયા હતા. તમે જાણો છો કે શા માટે, કારણ કે તેઓ યુએઈમાં જે રીતે તમારી સંભાળ રાખે છે, તમારી રુચિઓની ચિંતા કરે છે..તે ભાગ્યે જ જોવા મળે છે. તેથી તે બધા લોકો તેમનો આભાર માનવા માટે તેમના ઘરની બહાર આવી ગયા.

• વડાપ્રધાન મોદીએ કહ્યું કે, એ પણ મારું સૌભાગ્ય છે કે UAEએ મને તેના સર્વોચ્ચ નાગરિક સન્માન ઓર્ડર ઓફ ઝાયેદથી સન્માનિત કર્યું. આ માત્ર મારું સન્માન નથી પરંતુ કરોડો ભારતીયોનું સન્માન છે. તમે બધા આદરણીય છો.

• પીએમ મોદીએ કહ્યું, હવે અબુ ધાબીમાં આ ભવ્ય દિવ્ય મંદિરના ઉદ્ઘાટનનો ઐતિહાસિક સમય આવી ગયો છે. ભારત-UAE મિત્રતા જમીન પર એટલી જ મજબૂત છે જેટલી તેનો ધ્વજ અવકાશમાં પણ લહેરાઈ રહ્યો છે. હું આંતરરાષ્ટ્રીય અવકાશમાં સમય પસાર કરનાર પ્રથમ UAE અવકાશયાત્રીને અભિનંદન આપું છું.

• પીએમ મોદીએ કહ્યું કે જ્યારે તેઓ UAEના રાષ્ટ્રપતિ અને તેમના ભાઈ શેખ મોહમ્મદ બિન જાયદ અલ નાહયાનને મળે છે ત્યારે તેઓ ભારતીયોના વખાણ કરે છે. નાહયાન યુએઈના વિકાસમાં તમારી ભૂમિકાની પ્રશંસા કરે છે. PM મોદીએ કહ્યું કે ભારત-UAE સંબંધો સમુદાય અને સંસ્કૃતિની દ્રષ્ટિએ વિશ્વ માટે એક મોડેલ છે.