નરેન્દ્ર મોદી આજે કરશે IOC 141માં સત્રનું ઉદ્ઘાટન, 40 વર્ષ પછી ભારતને મળી યજમાની....

વડાપ્રધાન નરેન્દ્ર મોદી આજે મુંબઈમાં જિયો વર્લ્ડ સેન્ટર ખાતે ઈન્ટરનેશનલ ઓલિમ્પિક કમિટી (IOC)ના 141મા સત્રનું ઉદ્ઘાટન કરશે. આ કાર્યક્રમ સાંજે 6 વાગ્યાથી યોજાશે. આ સત્ર આંતરરાષ્ટ્રીય ઓલિમ્પિક સમિતિના સભ્યોની મહત્વપૂર્ણ બેઠક તરીકે કામ કરશે. ઓલિમ્પિક ગેમ્સના ભવિષ્યને લગતા મહત્વના નિર્ણયો IOC સત્રમાં જ લેવામાં આવે છે. ભારત લગભગ 40 વર્ષના અંતરાલ પછી બીજી વખત IOC સત્રનું આયોજન કરાઈ રહ્યું છે. અગાઉ, IOCનું 86મું સત્ર 1983માં નવી દિલ્હીમાં યોજાયું હતું.

Advertisment

વડાપ્રધાન કાર્યાલય (PMO) દ્વારા જારી કરાયેલા એક નિવેદનમાં કહેવામાં આવ્યું છે કે ભારતમાં યોજાનાર 141મું IOC સત્ર વૈશ્વિક સહયોગને પ્રોત્સાહન આપવા, રમતની શ્રેષ્ઠતાની ઉજવણી કરવા અને મિત્રતા, સન્માન અને શ્રેષ્ઠતાના ઓલિમ્પિક આદર્શોને આગળ વધારવા માટેના દેશના સમર્પણને પ્રતિબિંબિત કરે છે. તેણે કહ્યું કે તે રમત સાથે સંકળાયેલા વિવિધ હિતધારકો વચ્ચે ક્રિયાપ્રતિક્રિયા અને જ્ઞાનની વહેંચણીની તક પૂરી પાડે છે. IOCના 141મા સત્રમાં આંતરરાષ્ટ્રીય ઓલિમ્પિક સમિતિના પ્રમુખ થોમસ બાખ અને નીતા અંબાણી સહિત IOCના અન્ય સભ્યો તેમજ અગ્રણી ભારતીય ખેલ હસ્તીઓ અને ભારતીય ઓલિમ્પિક સંઘ સહિત વિવિધ રમત ફેડરેશનના પ્રતિનિધિઓ હાજરી આપશે.