BRICS સમિટમાં ભાગ લેવા દક્ષિણ આફ્રિકાના જોહાનિસબર્ગ પહોંચ્યા PM મોદી

વડા પ્રધાન નરેન્દ્ર મોદી 15મી BRICS સમિટમાં ભાગ લેવા માટે મંગળવારે (22 ઓગસ્ટ) સાંજે લગભગ 5.15 વાગ્યે દક્ષિણ આફ્રિકાના જોહાનિસબર્ગ પહોંચ્યા હતા. આ દરમિયાન એરપોર્ટ પર તેમનું ઉષ્માભર્યું સ્વાગત કરવામાં આવ્યું હતું. PM મોદી અહીં રાષ્ટ્રપતિ સિરિલ રામાફોસાના આમંત્રણ પર આવ્યા છે અને 22 થી 24 ઓગસ્ટ સુધી રોકાશે.

પીએમ મોદીના સ્વાગત માટે મોટી સંખ્યામાં ભારતીય સમુદાયના લોકો એરપોર્ટ પર હાજર હતા. આ દરમિયાન મોદીએ લોકોનું અભિવાદન કર્યું અને હાથ મિલાવ્યા. દક્ષિણ આફ્રિકા જતા પહેલા પીએમ મોદીએ વિશ્વાસ વ્યક્ત કર્યો હતો કે સમિટ સભ્ય દેશોને ભાવિ સહયોગના ક્ષેત્રોને ઓળખવા અને સંસ્થાકીય વિકાસનો હિસ્સો લેવા માટે ઉપયોગી તક પૂરી પાડશે. બ્રિક્સ સમૂહમાં ભારત ઉપરાંત રશિયા, ચીન, બ્રાઝિલ અને દક્ષિણ આફ્રિકાનો સમાવેશ થાય છે.