આર માધવને પહોચ્યા ફ્રાંસના રાષ્ટ્રપતિની ડિનર પાર્ટીમા, જ્યાં પીએમ મોદી સાથે સેલ્ફી ક્લિક કરી....

શનિવારે આર માધવને પીએમ મોદી અને ફ્રાન્સના રાષ્ટ્રપતિ સાથે ઘણી તસવીરો શેર કરી હતી. આ સાથે માધવને બંને સરકારોની પ્રશંસા કરતી એક લાંબી પોસ્ટ લખી હતી, જેમાં અભિનેતાએ ફ્રાન્સ અને ભારત વચ્ચેની ગાઢ મિત્રતાનો ઉલ્લેખ કર્યો હતો. શેર કરેલી તસવીરો અને વીડિયોમાં મેડી પીએમ મોદી અને રાષ્ટ્રપતિ સાથે સમય પસાર કરતી જોવા મળી રહ્યો છે. 

વાસ્તવમાં, ફ્રાન્સમાં 14 જુલાઈના રોજ બેસ્ટિલ ડેની ઉજવણી કરવામાં આવી હતી. ફ્રાન્સના રાષ્ટ્રીય દિવસે પીએમ મોદીને મુખ્ય અતિથિ તરીકે આમંત્રિત કરવામાં આવ્યા હતા. ફ્રાન્સના રાષ્ટ્રપતિ ઈમેન્યુઅલ મેક્રોને વડાપ્રધાન નરેન્દ્ર મોદીના સન્માનમાં ડિનરનું આયોજન કર્યું હતું. અભિનેતા આર માધવન આ ખાસ પ્રસંગે હાજરી આપવા માટે પેરિસ પહોંચ્યા હતા. 

ત્યાં તેમણે પીએમ મોદી અને રાષ્ટ્રપતિ ઈમેન્યુઅલ મેક્રોન સાથે ડિનર લીધું હતું. અભિનેતાએ ડિનર પાર્ટીનો એક વીડિયો પણ શેર કર્યો છે, જેમાં તે પીએમ મોદી અને ફ્રાન્સના રાષ્ટ્રપતિ સાથે સેલ્ફી લેતો જોવા મળે છે. આ દરમિયાન માધવન ઈમેન્યુઅલ સાથે વાત કરતો જોવા મળે છે. ડિનર નાઈટની આ તસવીરો સોશિયલ મીડિયા પર હેડલાઈન્સમાં છે.