રશિયાએ યુક્રેનની રાજધાની કિવ પર કર્યો હવાઈ હુમલો, 20 લોકોના મોત, 30 થી વધુ ઘાયલ

યુક્રેનને અમેરિકી ગુપ્ત માહિતી મળવાનું બંધ થયા બાદ રશિયાએ કિવ પર મોટો હવાઈ હુમલો કર્યો છે. રશિયાએ યુક્રેનના અશાંત ડોનેટ્સક ક્ષેત્રના એક શહેર પર આ હુમલો કર્યો. આ રશિયન હુમલામાં ઓછામાં ઓછા 20 લોકો માર્યા ગયા હતા. જ્યારે ઘણા લોકો ઘાયલ થયા છે. તમને જણાવી દઈએ કે યુક્રેન સાથે સેટેલાઇટ છબીઓ શેર કરવાનું બંધ કરવાના અમેરિકાના નિર્ણય બાદ, રશિયાએ શ્રેણીબદ્ધ હવાઈ હુમલાઓ કર્યા છે.

શુક્રવારે મોડી રાત્રે રશિયન સેનાએ અનેક હુમલા કર્યા. આ હુમલામાં ત્રીસ લોકો ઘાયલ થયા હોવાના અહેવાલ પણ છે, જેમાં ડોબ્રોપિલ્યા શહેરમાં આઠ એપાર્ટમેન્ટ બ્લોક્સને નુકસાન થયું હતું, જે મોરચાની નજીક છે જ્યાં રશિયન સૈનિકો સતત આગળ વધી રહ્યા છે. યુક્રેનની રાજ્ય કટોકટી સેવાએ જણાવ્યું હતું કે બચાવ કાર્યકરો સળગતી ઇમારતોને ઓલવવા માટે સંઘર્ષ કરી રહ્યા હતા ત્યારે એક રશિયન ડ્રોને યુક્રેનિયન ફાયર ટ્રકને નુકસાન પહોંચાડ્યું હતું.