શશિ થરૂર કોંગ્રેસમાંથી ખસી ગયા? ગુજરાતમાં સ્ટાર પ્રચારકોની યાદીમાં કોઈ સ્થાન ન મળ્યું.!
જ્યારથી કોંગ્રેસ નેતા શશિ થરૂરે પાર્ટી અધ્યક્ષ પદ માટે ચૂંટણી લડી છે ત્યારથી તેમને બાકાત રાખવાના અહેવાલો આવી રહ્યા છે.
જ્યારથી કોંગ્રેસ નેતા શશિ થરૂરે પાર્ટી અધ્યક્ષ પદ માટે ચૂંટણી લડી છે ત્યારથી તેમને બાકાત રાખવાના અહેવાલો આવી રહ્યા છે. અગાઉ કોંગ્રેસ સમિતિઓમાંથી બાકાત રહ્યા બાદ હવે તેમને ગુજરાત ચૂંટણીના સ્ટાર પ્રચારકોની યાદીમાં પણ સ્થાન મળ્યું નથી. આવી સ્થિતિમાં થરૂરને પાર્ટીમાં સાઇડલાઇન કરવામાં આવી રહ્યા હોવાની ચર્ચાએ જોર પકડ્યું છે.
જો કે પાર્ટીના સૂત્રોએ આ વાતને નકારી કાઢી છે અને કહ્યું છે કે થરૂર અગાઉ પણ સ્ટાર પ્રચારકોની યાદીમાં નહોતા. મીડિયા રિપોર્ટ્સ અનુસાર, ગુજરાત કોંગ્રેસની વિદ્યાર્થી પાંખએ થરૂરને ચૂંટણી પ્રચાર માટે બોલાવ્યા હતા, જો કે તેઓ મોં ફેરવી ગયા હતા. તમને જણાવી દઈએ કે, કોંગ્રેસે મંગળવારે ગુજરાત વિધાનસભા ચૂંટણી માટે સ્ટાર પ્રચારકોની યાદી જાહેર કરી હતી. આમાં પાર્ટી અધ્યક્ષ મલ્લિકાર્જુન ખડગે, સોનિયા ગાંધી, રાહુલ ગાંધી, પ્રિયંકા ગાંધી, અશોક ગેહલોત, ભૂપેશ બઘેલ, ભૂપેન્દ્ર સિંહ, દિગ્વિજય સિંહ અને સચિન પાયલટ જેવા નામ સામેલ હતા.
